حلوة لسان الطير بالصور والمراحل خطوة بخطوة

بالصور والمراحل خطوة خطوة، صورة بصورة طريقة عمل حلوة لسان الطير ،

أو حلوة السبولة أو الشبّاكية بشكل مختلف … كلا شنو تايسميها 

الوصفة هذه من جارتنا حنان ” hanane hollanda ” الله يجازيها بالخير 

والله يرزقها الذريّة الصالحة باذن الله

مقادير حلوة لسان الطير

رابعة فورص
شوية الزعفران
ملحة – ملعقة حبة حلاوة

2 معالق نافع
نصف ملعقة قرفة
ملعقة صغيرة خمارة ديال الحلوة
2 معالق كبار زبدة مذوبة
نص كاس ماء الزهر
2 معالق خل
شوية الماء عند الحاجة
وممكن إضافة شوية الزنجلان محمر تايجي زوين 
( أنا معنديش ههه )

طريقة عمل حلوة لسان الطير

 الآن نمر لطريقة التحضير وهي مشروحة خطوة خطوة وبالتفصيل 

أولا نقوم بوضع الكل في طبق ( قصعة ) ونخلط جيدا

ونضيف الماء عند الحاجة وندلكه جيدا ونتركه يرتاح

ديريها كريصات صغار بحال هاكا خليهم يرتاحو شوية

وطلقيهم بالدلاّك فوق طبلة مرشوشة بالدقيق

وقلبيها وطلقي تاني بالدلاّك رقيقة بحال الصور

من بعد ديريها فملاة فوق نار متوسطة
غير تنشف وقلبيها للجهة الأخرى 
خاصها غير تنشف تبقا بيضاء
وحيديها ولفّيها على راسها ولصقيها بالماء والدقيق حتى تكملي كولشي

من بعد تبداي تقطعي مايلين بالمقص 

وممكن تشدي ليها الحافّات ديالها بحال هاكدا

صافي طلقيها فالزيت سخونة على نار متوسطة

وديريها مباشرة فالعسل وخلّيها تشرب العسل

هزّيها من العسل وقطريها فالصفّاية

ورشّيها بالزنجلان أو اللوز محمّر
( أنا معنديش رشّيتها بالفستق أي البيستاش )

وهاهي حلوة لسان الطير أو حلوة السبولة بالصحة والعافية 

لاتبخلن أختكم حنان من الدعوات بالذرية الصالحة 

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة حنان التازية[/author]