سردين معمر فالفران بطريقة الغراتان مذاق كيهبل والمنظر خلاص

السلام عليكم جارتي هاد المرة جبت ليكم سردين معمر فالفران
على شكل الغراتان المكونات متوفرة في كل بيت و السردين
غنية بيه الاسواق ديالنا طبق شهي و مغدي وصحي
بكل ما في الكلمة من معنى

نبداو بسم الله

مقادير سردين معمر فالفران :

1 كيلوغرام سردين
نصف كيلوغرام بطاطس
قزبر
ثومة
تحميرة
كمون
سكينجبير
صلصة الطماطم
حامض
كاس زيت الزيتون
2 فلفلات صفرة و خضرة مشويين

طريقة تحضير سردين معمر فالفران :

كنقشرو البطاطا ونقطعوها و نديروها تسلق فالما و شوية الملح
ومن بعد فإناء كنديرو قزبر مقطع و الثومة محكوكة القياس لي بغينا
و الكمون و سكينجبير ونزيدوه على البطاطا ملي نحيدوها من فوق
البوطة ونمعسوها و نخليو شوية ندهنو بيه ضهر السردين وناخدو
شوية البطاطا متبلة ونديروها فسردينة ونلويوها بحال السيكار
ونستفوهم فطاوة مدهونة بالزيت او طبسيل ديال الفران
وملي نكملو التستاف

نكوبو صلصة الطماطم فوق السردين معمر

ونقطعو الفلفلة طويلة ونزينو بيها الطاوة

وندخلوها الفران من 15 تال 20 دقيقة ونخرجوها من الفران

وملي تاخد درجة حرارة المطبخ نزينوها
و نقدموها بالصحة و الراحة