بطبوط بالبطاطا لذيذ و سهل التحضير بالصور

السلام عليكم جاراتي كيف الاحوال يومكم مبروك هاد المرة جبت ليكم من عند الأخت سوسو وصفة جديدة بطبوط بالبطاطا هي شهيوة من شهيوات رمضان سهلة التحضير وبطريقة جد سهلة نبداو بسم الله

هاد بطبوط بالبطاطا معمر قبل الطياب يعني الحشوة تاطيب معاه فالمقلاة

المقادير :

375 غرام طحين
معلقة كبيرة ملح
30 سنتيليتر ماء
معلقة كبيرة خميرة
معلقة كبيرة زيت
معلقة كبيرة سنيدة

الحشوة :

2 بصلات كبار
صدر الدجاج
4 معالق كبار زيت
ربيع
معلقة كبيرة ملح
معلقة كبيرة ابزار
معلقة صغيرة تحميرة
5 حبات بطاطا متوسطة
2 قطع فرماج
معلقة هريسة

طريقة تحضير بطبوط بالبطاطا :

كنعجنو العجينة ديالنا ونخليوها ترتاح

ونوجدو الحشوة ديالنا نشحرو البصلة والتوابل و الربيع و صدر الدجاج مقطع صغير

وملي يطيب نزيدو عليه البطاطا كنا سلقناها ومعسناها وزدنا عليها الملح و الابزار

نخلطو كلشي مزيان حتى يولي متجانس

وديرو كريصات من العجينة ديالنا ونطلقوها فوق الطبلة

ونعمرو بالحشوة ديالنا ونجمعوها ونديروها طيب فوق مقلة تقيلة

و هاهو بطبوط بالبطاطا واجد بالصحة و الراحة

يقدم بارد متنساوناش جاراتي من صالح دعاءكم