قريشلات بالتمر بالصور والمراحل

الجديد من جديد جاراتي ، نزولا عند الطلب أقدم لك جارتي طريقة عمل قريشلات بالتمر رائعي المذاق وسهلين في التحضير والطريقة مصورة وبسيطة جدا

قريشلات بالتمر هادو من الأخت سكينة الله يجازيها بالخير

مقادير العجين

كيلو دقيق
200 غرام سكر نذوبوه في كاس كبير ماء
ڤاني
400 غرام زبدة ذائبة و نزيدو ليها الزيت حتا تولي 500 غرام
قبصة ملح

مقاديرالحشوة

مقادير الحشوة تتمثل في التمر
ماء الزهر

طريقة قريشلات بالتمر

نخلطو الدقيق مع الڤاني،

الملح و نضيفو الزبدة الذائبة مع الزيت و نخلطو مزيان حتا تجانس الزبدة مع الدقيق،

و نجمعو العجينة بالماء اللي ذوبنا فيه السكر حتا نحصلو على عجينة متماسكة،

نغطيوها و نخليوها ترتاح 2 حتال 3 ساعات

ناخدو التمر و نفوروه فالكسكاس،

من بعد نطحنوه باش يولي عقدة،

و نضيفو ليه شوية ماء الزهر، و نعجنوهم مزيان

نسرحو العجينة رقيقة علا شكل مستطيل فوق مائدة العمل مرشوشة بالدقيق،

نشكلو من عقدة التمر أصبع مارقيقش بزاف و ماغليضش،

و يكون بطول العجينة اللي سرحنا، نديروه في الجنب ديال العجينة،

و ندوروها عليه 3 دورات و نقطعو العجينة اللي بقات

ناخدو العجينة اللي عمرنا، نقطعوها لأصابع بطول 7 سنتيمتر،

ناخدو كل أصبع و ندوروه على راسو باش نحصلو على شكل براصلي و نلصقو الاطراف مزيان،

نزينوهم لا بغينا بالمرشم ديال النقش ولا نخليوهم عاديين حسب الرغبة

نستفوهم في لاطة مدهونة بالزيت،

ندخلوهم للفران المسخن من قبل يطيبو مدة 20 حتال 30 دقيقة حتا يتحمرو،

نخليوهم يبردو و نقدمو قريشلات بالتمر ديالنا

بالصحة و الراحة