بسم الله الرحمن الرحيم و السلام عليكم ورحمة الله وبركاته
ليوم حبوباتي جبت ليكم طوجين بالقوق وجلبانة من ألذ الطويجنات
ونخليكم مع المقادير وطريقة التحضير:
طاجين اللحم بالقوق و جلبانة
مقادير طاجين اللحم بالقوق و جلبانة بالصور
اللحم لبغيتو بقري أو غنمي 2بصلات شرائح 2 فصوص ثوم معدنوس
و قزبر مقطع نصف كاس زيت مخلط بلدي ورومي بزار ملح خرقوم
سكين جبير قليل من الملون القوق و جلبانة
(والوريقات الطريين احتفظو بهم وحضرو بيهم الروز بحال الطريقة اللي حطيت
ليكم ديال الروز بالقرع كيجي رااائع )
طريقة تحضير طاجين اللحم بالقوق و جلبانة بالصور
في طاجين ندير البصلة ثم اللحم والثوم والربيع مقطع أو ربيطة لحبيتو والملح
والعطرية شوية من كل حاجة تقريبا ملعقة صغيرة من كل حاجة والزيت ونخليه
يتشحر ويشرب العطرية ونضيف عليه نصف كاس ماء ونخليه يطيب على نار مهيلة
نحط عليهم جلبانة والقوق وطريف حامض مرقد ونخليه يطيب بالمهل
ولى بغيتو تربحو الوقت تطيبو اللحيمات في الكوكوت وتحطوهم في الطاجين . ونحط فوقهم جلبانة والقوق ونخليه يكمل طيابو
وهاهو طاجين اللحم بالقوق و جلبانة بالصور وجد على خاطر خاطرو تجربوه وتاكلوه
الله يعطيكم الصحة انا بغيت نعرف واش ممكن نعطيكم وصفاتي
ياربي امين نعم حبيبة بكل سرور