بسم الله الذي لا يضر مع اسمه شىء في الارض ولا في السماء و هو السميع العليم
اخواتي العزيزات كنقدم لكم هذ الوصفة الجميلة و الرائعة وخا فيها شحال من مرحلة
و لكنها ساهلة كنتمنى تجربوها غدي تعجبكم راه كتجي راااااااائعة وللي كلاها كتعجبو
المقلوبة بالدجاج بالمراحل و الصور
مقادير مقلوبة بالدجاج
دجاج حسب الاشخاص+البصلة+الفلفلةحمراء وخضراء+بطاطا+(وكندير حتى الدنجال غير مدرتوش اليوم)+مطيشة د الحك+روز بسمتي
طريقة تحضير مقلوبة بالدجاج
ناخد الدجاج ونضيفو البصلة شنايف رقاق والزيت الروميةو البلدية+ملح +ابزار+كامون+تحميرة+سكنجبير+خرقوم بلدي+زعفران حر+راس الحانوت د المروزية+شوي د مطيشة د الحك+معدنوس نشحرو الكل ونرويو وفاش يطيب الدجاج نزولوه ونتركوه يبرد
ونخليو المرق حتى يختار مزيان كيف الصورة
ونرجعو ناخد الفلفة ونشويوها ونقطعوها مربعات صغار ونشحروها فالزيت البلدية شوي كامون وملح حتى تنشف من الماء
وناخد البطاطا ونقطعوها دوائر ونقليوها (والا كان الدنجال نقشروه ونقطعوه طرونش صغار و رقاق ونقليوه)
ثم ناخد الروز (لكل كاس روز كاس ونصف ماء) +زيت رومية+ملح+ابزار+زعفران حر+شوي راس الحانوت+قبصة قرفةونخليو الروز حتى يطيب ينشف
ونرجعو نقليو الدجاج اوندهنوه بالزبدة وندخلوه للفرن ثم ناخد انية غارقة ونغلفوها بالالمنيوم ونستفو فيها الدجاج
ثم الفلفة والبطاطا وحتى الدنجال الا درتيه
ونغطيو بنصف الكمية د الروز ونعاودو نستفو الخضار ونفرقو لاصوص د الدجاج بالمعلقة
ونغطيو بالنصف الاخر د الروز
ونقلبوه في طبق التقديم ونرشو باللوز ايفلي محمر الا بغيتي وتقدميها مع سلطة والصور يشرحو اكثر
وبالصحة و الراحة كنتمنى تعجبكوم و تجربوها راه فعلاكتجي بنننننننينة
allah i3tik saha akid ranjarbha obaina bnina merci bien khti
وصفة رائعة جدا الله يعطيك الصحة
تبارك الله عليكي اختي هادشي باين لذيذ الله يعطيكي الصحه وصافي
akid akid ghadi njrbha lah y3tik s7a
lah i3tik saha hdchi bayn bnin
ياربي امين اختي جنات