خبيزات معمرين بالفلفلة المشلظة والبيض المسلوق كيجيو بنان وكيشهيو وطريقة تحضير ساهلة ومكتخدش وقت كثير
مقادير العجين
دقيق لقمح مع الفورص – والملح – والخميرة ديال الخبز –
والماء دافي
ويعجن جيدا ثم نخليه يخمر ملي يخمر ديريه كريصات على هاد الشكل
مقادير الحشوة
بالنسبة للبصلة عينك ميزانك
فلفلة خضرا وحدة
القزبور و معدنوس
لحم لي موجود عندك مقطع شرائح صغيرة
البيض مصلوق و العطرية (ملح ابزار كمون تحميرة و الزيت بلدية او رومية)
طريقة التحضير
قطعي البصل والفلفلة وعصريهم من الما وطحنيهم في مقلاة كبي شوية الزيت
وضعي البصل و اللحم عملي عليهم الفلفلة وحركي مزيان
ديري عليهم مطيشة محكوكة و القزبور والمعدنوس و العطرية بحال هاد الشكل
وجدي خبيزة كرصيها مزيان و ضعي عليه الحشوة وأضيفي البيض المصلوق
بعد ذلك ضعي طبقة من العجين هكدا
كرصيها مزيان باش متجيش ثقيلة وعالبة عليها العجينة
وديريها فمقلاة ساخنة فيها الزيت هكدا
ملي كطيب كتجي فهاد الشكل
هاهوما لخبيزات ملي وجدو كيشهيو
شهية طيبة
عافاك، حتى هادي مدايراش فيهم كمية المقادير بالضبط ديال العجينه! ؟؟
سلام اخت امة الله خبيزات معمرين بالفلفلة المشلظة والبيض المسلوق عينك مزانك بحال الى بغيتي تعجني الشيار قلبلي ولا كثري
على حساب افراد العائلة
واخا ألاله، ولكن واش نديرو كمية الفورص و القمح متقادين؟وا
سلام اخت امة الله : الا درتي 2 كسان من الفرص ديري كاس من دقيق القمح
تبارك الله عليك جربتها دابا جاتني واعره فالمذاق و بلا مادرت فيها طريفات دلحم،، غير غايخصني نبقا نعاود لها حتى نعرف قياسي مزيان ديال الدقيق ،، راني ف19عام و نتي هنا هي ماما التانيه لي تعلملي الطياب هههه لهلا يخطيك. علينا، بالاضافه راني جربت شحال حاجه من عندك و ديما المقادير ديالك كايصدقو ليا… 🙂 :*
سلام لحبيبة من اول سؤال لك عرفت انك مازلت صغيرة , مزيان تجربي اي حاجة ونت مزال صغيرة منين تكبري مغديش تحتاجي الكمية ديال المقادير
غدي تولي عينك مزانك , وانا رهن الاشارة بتوفيق ان شاء الله
السلام عليكم
شكرا على هذه الوصفة اللذيذه .
الله يعطيك الصحة.
عفاك أنا عندي مشكل عندي مشكل العجينة كتجيني قاسحة وخا نميها يمكن كندير شي حاجة غلط فاش كنكون كنعجن
سلام اختي ابمان اولا قولي بسم الله وبداي متكتريش الما في الاول تكون قاصحة ومن بعد بقاي تزيدي الما بشوية وانت كدلك العجينة حتى تولي رطبة ومشفنجة
وهذه الطربقة لجميع العجين وان شاء الله مغدي يبقى عندك حتى مشكل
السلام الوصفة رائعة انا دبة درت الحشوة مي معنديش لفورص و ش ممكن ندير غي دقيق
سلام اختي شيماء نعم يمكن ديري غير الدقيق الا بغيتي
slam brit nswlk wach zit nderou bzaf bach n9liwha wla ri ndhnou bih lm9la
سلام اختي نادية (خبيزات معمرين بالفلفلة المشلظة والبيض المسلوق) مقلة غير مدهونة بالزبت
سلام عليكم اله يعطيك الصحة
وعليك السلام ياربي امين
jerbtha jat ghzala 3tak llah se7a ghir ana l7ochwa bdltha drtha b thon o fromage. merciii
بالصحة و الراحة اختي