السفة كسكسو بالكوك والحليب

بسم الله الرحمان الرحيم غدي نقدم ليكم السفة كسكسو

بالكوك والحليب واعرة كتجي فنة رطبة ومفشفشة

جربيها سيدتي وردي عليا لخبار 

مقادير السفة 

كيلو كسكسو –  الكوك عيني ميزاني تقريبا زلافة ونص

وقد ماكان كتر كتجي احسن

ايترو حليب –  و 2 صاشيات فاني بالزهر والسكر كلاصي

طبعا والزبدة والملح والزيت والما

 للتزيين

سر حتى الاخير الوصفة عاد تعرفوه  

طريقة تحضير السفة كسكسو بالكوك والحليب 

كنصبو البرمة تغلى فيها الما مع عويد القرفة و كنرطبو كسكسو بالما

بلا زيت (نصيحة عكوزتي)باش يشرب مزيان ويجي رطب الزيت

كيحبس الما حتال الفورة الاخيرة عاد نديروه

ملي يفور نزلوه نسقيوه بالما

ونعاودو نفوروه ونسقيوه مزيان بالما (المهم الطريقة المعتادة

دكسكسو) والفورة الاخيرة نسقيوه باترو ديال

الحليب ونزيتوه ونملحو

نزيدو لكوك وفاني بالزهر (عاد نطلعو الفورة الاخيرة)

صافي ونديرو الزبدة وسنيدة ونقدمو ونزوقو حسب الدوق

هادي الصورة دشحال هادي

وهادي لي درت فالعرضة الاخيرة ولي تم فيها الاختراع ههه

ايوة دابا ندوزو للسر او الاختراع لي بسيط ويني نتيجة غزالة كيف شفتو

وحمق الضياف وهو غي 3 الدراهم كاوكاو مكلي عند مول الزريعة

وشوي كوك محمر وزبيدة والسكر كلاصي

هاهوما

شديت كاوكاو (ممكن ديرو لوز)نقيتو وطحنتو مزيان هو والكوك

محمر والسكر وجمعتو بزبيدة وسرحتو بين جوج

ميكات وقطعتو دواور

جا هائل فالمداق يعني معرفوه واش لوز ولا شنو معاه

نتمنى تعجبكم وتجربوها لانها كتجي هائلة

في امان الله

منقولة