شربة الحوت بنينة وصحية

السلام عليكم ورحمة الله وبركاته من موقع جاراتي اقدم لكم

 شربة الحوت بنينة وصحية كتجي هائلة جربيها

سيدتي رها غدي تعجبك 

مقادير وطريقة تحضير شربة الحوت 

الخضر اللى ستعملت هية خيزو محكوك وبطاطا مشلظة رقيقة ومطيشة مزولة الزريعة و مقطعة رقيقة وبصلة محكوكة و3 ضروس ثومة محكوكة و2 وريقات الرند و2 معالق مطيشة دالحك

ورق الرند او ورق موسى

العطرية
ابزار ملحة وكمون وطحميرة غير شوية
والكروفيت وكلمار وقطع من فيلي الحوت مقطعة رقيقة ودامة بنة السمك
دورتها بشوية ديال الدقيق مخلط مع شيء شوية دالمااء غير شوية وصافي حيث كيخصها تجي جارية وزدت لها معلقة مطيشة دالحك وشعرية صينينة مرقدة فالماء طايب ومقردة بالمقص ودامة ديال بنة الحوت وشوية ديال الكرافس وقزبور مقطعين رقاق

ملاحضة مكنظيف الحوت وهاد المقادير اللى دكرت حتى كطيب الخضرة حيث الحوت ضغية كيطيب وكنسربيوها معطرونش دالحامض والبقية مع الصور 

بالصحة والراحة