تحضير كرواصة بالعجينة المورقة

السلام عليكم، سأقدم لكم ونزولا عند طلبات الجارات مقادير وطريقة تحضير كرواصة بالعجينة المورقة بالصور والمراحل 

مقادير كرواصة بالعجينة المورقة

500 غرام فورص
240 غرام ماء
100 غرام زبدة
60 غرام سنيدة
30 غرام خميرة الخبز
8 غرام ملح
شور نص حامضة او ليمونة نحكوكة
نص فاني

للتوراق رابعة زبدة

طريقة التحضير

كنخلطو كلشي من غير الزبدة والملح

كنزيدو الزبدة والملح

كندلكوها مزيان والى عندك العجانة ايكون احسن

كنغطيوها وندخلوها للتلاجة 6h
في درجة حرارة بين 2 و 4

هنا ملي خرجتها من التلاجة

سرحيها بالمداك

وعجني ب الزبدة الي خاص يكون السمك ديالها قد العجينة ولا قل شوية وماتكونش قاصحة ولا رطبة اكتر من العجينة

سرحيها بالمدلك عاد حطيها فوق التلتين ديال العجينة

وانديرو اول طوية ديال 3 كيفما هو باين في الصور

وسرحيها تاني وطويها طوية ديال 4

ودخليها للتلاجة 2h

وملي تخرجيها عاودي سرحيها وديري الطوية ديال 4 و رجعيها للتلاجة 2h اخرين

ممكن تخليها خاويا ممكن تعمريها بالكونفيتير وشي كريمة

انا درت التلت خاوي وتلت بالكونفيتير ديال الفريز والتلت بكريمة البعويد الي نزلت الطريقة ديال تحظيرها اننزلها لكم ان شاء الله

خليها تخمر 2h وطيبيها في فران على درجة حرارة 180

صور نهائية  وبالصحة كرواصة بالعجينة المورقة