السلام عليكم اليوم غادي نقدم ليكم حلوة بحلاوة بالصور كتجي
بنينة وغزالة ويمكن ليك تعمريها باش ما بغيتي بالكاوكاو
او باللوز ولا بيستاج او اي حشو مفضل عندك
مقادير العجين
4 زلايق دقيق يعني حوالي كيلو تقريبا
كاس سكر كلاصي
كاس مازهر
رابعة زبدة ماركرين
ماء دافي باش تعجني
نجمعوها نخليوها شوية قاصحة وندلكوها مزيان وديريها في
بلاستيكة وخليها ترتاح على ما توجدي الحشو
مقادير الحشو
كيلو كاوكاو محمر ومقشر ومطحون انا مكنطحنوش
حتى يتنيل كنخليه يتقرمش شوية
كاس ونص سكر كلاصي
نص كاس ما زهر
والعسل باش تجمعي الخليط و خليه شوية ناشف
بحال الصورة
نسرح العجينة تكون رقيقة ونطلعها مع جناب اللاطة وكيف كتشوفو
في الصورة الحشو يكون كيتفرتت شوية حيت الى كان رطب
غادي تخسر ليك في التقطاع
ونبسط الحشو بشكل متساوي
ونغطيها بورقة اخرى من العجين ونظغط عليها مزياااااااااان
باليد باش تشد في الحشو
ونقطعها مربعات بالحجم اللي بغيتي
وندير في كل مربع لوزة مقلية
وندخلها للفرن حتى طيب وتتحمر من الفوق ونكب عليها العسل
وهي سخونة باش تشرب العسل
(اعتدر هاد الصور ماوضحاش حيت صورتها بالبورطابل )
هاهي هنا عمرتها بالعسل وخليتها حتى لصباح عاد درتها في الكويغطات
ودوزو بالموس باش يدخل العسل في الفتحات وتجي معسلة
وهاهي في الكويغطات
بالصحة و الراحة
سلام، هل ممكن تعويض الزبدة المارغرين بالعادية.
salam wach momkin n3ewed had l3ejin be pate filo chokran
Salamo alikom bghit ngol lokht loubna ana kandirha bla patte filo katji ghzala m9armcha
سلام يعطيك اصحه اختي كتشهي……..
واش ممكن تعطيني التصويرا و المقياس تاع االمول الي درتيه ايطيب فيه
هذي ماشي انا لي عملتها غير طلباتها واحد جارة مزروبة وبحث ليها عنها في بعض المنتديات
و المول تقريبا 60 سنتم على 40
مشكور وما قصرتي الله ينصرك ياربي
chkran llah yjazik bikhayr
c’est tres bon
salut merci pour la resét elle est trés bon
Salam khti 1 chokran bzf 2 bghit nsawlak momkin n3awadha b les patte brise
azfdghj
زوينة بزاف عافك واش طيب تحت هو اول ولا فوق
نشعلو التحت حتى تطيب عاد نشعلو الفوق باش تحمر