السلام عليكم جاراتي، بدون مقدمات … الرفيسة العمية وما أدراك ما الرفيسة العمية فهاد البرد ^^
عندك خبز بايت فالفرن ، وبغيتي تحضري طبق سهلة ماعليك غير بالرفيسة العمياء
مسكينة عطاوها هاد السمية ” الرفيسة العمياء ” ههه
مقادير الرفيسة العمية
بصلة كبيرة مقطعة على الطول
3مطيشات متوسطين منقين ومقطعين
قزبر ومعدنوس مقبط
ملح+بزار+زعفران او خرقوم سكنجبير
عدس وفول يابس او خضر
طريقة التحضير بالصور
نعملوهم فالكوكوت ونصيف ليهم الزيت وشوية السمن ونردوهم فوق البوطة يتشحرو
من بعد نضيف العدس ونخليوه يتشحر شوية ثم نصيف الفول يابس بطبيعة الحل يكونو منقين ومغسولين
ومن بعد نضيف الماء الكافي وضامة البنة بقري ونسد الكوكوت حتى يطيب القوام
ملي يطيب المرق نعمل الخبز مقطع في الكسكاس حتى طلع الفورة
ونزلوه في طبسيل اوو قصرية ونسقيوه بالمرق وهاهو الطبق النهائي
بالصحة والعافية طبق الرفسية العمية
شكرا بزاف مني شفتها فكرتني بزمان وجتني الضحكة
هاد الوجبات السريعه بالنسبه ليا شي حاجة رائعة بزااف