كراتان الكفتة و الروز بالصور

السلام عليكم اليوم جبت ليكم كراتان الكفتة و الروز بالصور

سهل التحضير وكيجي هائل وغدي يعجب لكبار وصغار

غير وجديه سيدتي ما غداش تندمي عليه

قائمة المحتويات

مقادير كراتان الكفتة

250g كفتة

250g روز كلاصي

شومبينيو ختياري

بصلة – الزيت – ملح – ابزار – سكنجبير – قزبور – معدنوس – تحميرة –

2معالق صغار مطيشة الحك

معلقة الزبدة

بيضة 4معالق كبار لصوص بيشاميل

ناخدو بصلة مشلظة مع الزيت والملح الابزار وسكنجبير

والقزبور والمعدنوس والتحميرة ونديرو كلشي

فوق النار حتى اتشحر مزيان

نضيفو الكفتة و2معالق صغار مطيشة الحك والى بغيتتو تزيدو

لشومبينيو زيدوهم

وفالاخير كنحصلو على هاد لصوص

ناخدو الروز طايبة فالماء و الملح ونصفوها مزيان

ونظيفو ليها 1ملعقة الزبدة وقليل معدنوس 1 بيضة مضربة

و4 معلق لصوص بيشاميل

دابا كناخدو المول وندهنوه ونخويو فيه لصوص بيشاميل

ومن بعد نزيدو الروز ونسقيو بلصوص بيشاميل

وا نصبو لصوص ديال الكفتة وفالاخير نحكو الفرماج احمر

وندخلوه الفرن

بالصحة والراحة