لكثرة الطلب على الوصفات السهلة و الخفيفة كنقدم لكم
جاراتي لعزازات و صفة طورطية للعشاء سهلة
و بنينة و مفيهاش مقادير كثيرة
مقادير طورطية
5 حبات بطاطس
بكية الشعرية الصينية
4 بيضات
شوية المعدنوس
شوية الملح
شوية ليبزار
شوية السوداني
كويرة الكفتة( رابعة)او اقل
والفروماج للتزيين
طريقة تحضير طورطية للعشاء سهلة و بنينة
ناخد البطاطس ونصلقها ونمعسها ونظيف لها شوية
ليبزار-المعدنوس -الملح-ونحطها جنب
ناخد الكفتة نشحرها في مقلاة بمعلقة الزيت ونظيف لها شوية
ليبزار الملح السوداني ونحطها جنب
ناخد الشعرية ونخوي عليها الماء غليان ونصفيها ونظف لها
شوية الملح ليبزار المعدنوس ونحطها جنب
ناخد المول وندهن بالزبدة ونعمل طبقةالبطاطة هي الاولى
وندير فوق منها طبقة الكفتة وعاود طبقة الشعرية
وعاد طبقة البطاطة من الفوق يعني تبدى بالبطاطس وتختم بيها
وتجيب البيض مخوظ وتعمر من الجناب ومن الوجه
وتدخلها الفرن ومن بعد ما تطيب تدير لها شوية
الفروماج محكوك انا هنا مكانش عندي
ومنقولكمش كيف كاتجي بالهنا والشفا ياربي للكل
وفي الاخر
الله يعطيكم الصحة موقع مفيد جداً المزيد من النجاح
ana jarabeteha jat zewina
واش هادشي كيتكال بلخبز اولا بلا خبز؟ هادشي كيبان مزيون
جربيه بالخبز و بلا خبز و قولي لينا رايك
واش ممكن ندير بشعرة العادية وشكرا
لا لانها غدي تعجن
اريد اسهل وصفة للعشاء وشكرا
ماكاينش ما اسهل من هذه ,ولالا؟
tbarklah 3lik
tbarklah 3lik
شكرا اختي على كل الشهيوات