من الأخت ” أمة الله بديعة ” اقدم لكم طاجين كفتة السردين بالبصل والزبيب هائل بالصور والمراحل
طاجين بالكفتة ديال الحوت سنال اعجابكن وخصوصا حتى اللي كتعجبو الحلاوة والملوحة
وهذه طريقة رائعة لتقديم السردين الغني بالمنافع
مقادير طاجين كفتة السردين
كيلو سردين منقي ومنظف جيدا ومطحون على شكل كفتة
بصل دوائر انا هنا عملت 5 البصلات ولكن صغار باش يجيو زوينين في المنظر هههه
التوابل: القرفة – سكنجبير – بزار – خرقوم بلدي – الملح واخا ماكيناش في الصورة
الزعفران شعرة اختياري ولكن الى كان يكون احسن كيلدد الطاجين
2 فصوص ثوم صغار محكوكين
القزبر والمعدنوس مقطعين
زبيب مغسول جيدا
زيت الزيتون – عصير الحامض
زيت المائدة وشوية السنيدة حتى هما ماصورتهمش هههه
طريقة التحضير
في طاجين على نار مهيلة نعمل زيت الزيتون وزيت المائدة والبصل والتوابل والزعفران شعرة نسد عليها ونخليها حتى تدبال
في هذه الاثناء نعمل التوابل نفسها اللي عملت للطاجين عدا الزعفران شعرة يكفي يكون غير مع البصل ثم الربيع والثوم وقليل جدا من زيت الزيتون وقطرات قليلة من عصير الحامض نخلط الكل
ثم نعملها على شكل كويرات وتترك على جنب
في هذه الاثناء تكون نزلات البصلة نحركها ونضيف ليها الزبيب مع شوية السنيدة
ونسد عليها حتى تقرب الطيب عاد نضيف عليها كويرات الكفتة
ونخليه يطيب على عافية مهييييييييييلة جدااااااااااااااا ضروري هاد المسألة
ملي يقرب يطيب نضيف ليه عصير الحامض بلاما تكثريه باش مايطغاش
ونقلب الكويرات الى الجهة الاخرى باش تاخد اللون حتى هي بدون التحريك
باش مايخصرش لينا الماكياج هههههه نقلبو بالوحدة بالوحدة
ونقدمو طاجين السردين كفتة بالصحة والراحة
tbarkellah 3lik okhti 3la had twijin zwiiiin men lmender kayban rzal
lah i3tik se7a fi3lan fikra bsita o sahla o mada9 radikon mekhtalef 3la tajin li mwelfin
chokran o lah ikhellilik ma3ez 3lik
روعة غادا نجربوا الشكرا الجزيل للموقع والساهرين عليه
ان شاء الله غادي نجربو