السلام عليكم جراتي جبت ليكم طريقة تحضير الروز بمرق السمك و الخضر .
الوصفة من جارتكم hanane27 وأتمنى أن تنال اعجابكن
الروز بمرق السمك و الخضر
على بركة الله
اول حاجة هي تحضير مرق السمك و كنستعملو اي نوع من السمك
تقدري توفري عليه مثلا رأس لا lotte والعظام والرأس merlu، congreر، عقرب البحر، الخ
و حبة بصل كبيرة و حبة مطيشة كبيرة
و الفلفل احمر كبيرة و خيزو و نقطع الخضر مربعات صغار
و نديرهوم في طنجرة مع كاس صغير ديال الزيت البلدية و
نقليهم حتى يدبالو و نزيد الملح و التحميرة و شويا ديال الماء تقريبا كاس
و ندير الكل في الخلاط الكهرباءي حتى يصبح ساءل
و نجيب اناء لي غادي ندير فيه الحوت و بدورو غادي يدخل وسط الطنجرة
باش ميطيحش لينا عظام الاسماك في المرق
و نزيد الماء الكافي حتة تقرب تعمر الطنجرة
و نسد و نخليه طيب من20 الى 30 دقيقة
هاد المرق كنستعمل منو لي محتاجة فعمل الروز بمرق السمك
و لي بقا كنديرو في الكونجلتور حتى كنستعملو مرة اخرى
دابا الرز غادي ناخد انواع الخضر لي كتبان في الصورة
و نقليها في الزيت مزيان و شويا ديال الكلمار و الكروفيت
و كنزيد المرق لي يقدني و نزيد الرز حتى ينضج
صور تحضير الروز بمرق السمك
بصحة و الراحة
اللّٰه يعطيك الصحة