رغيفات صغار بماء الزهر مفندين فكاوكاو مهرمش

رغيفات صغار مفندين فكاوكاو مهرمش، رغيفات صغار بماء الزهر من الجارة أم هديل دائما

هاد مسيمنات كيجيو زوينين وبخصوص فرمضان

كنشد ثلاثة زلافات تاع دقيق كبار ورابعة تاع زبدة اللذة وماء الزهر ورشة تاع الملح

كنشدو طحين ونحطو عليه زبدة ونبسبسوها مع طحين مزيان

وندوزوها فلغربال وحنا كنحكو حتى نهاية باش تندمج الزبدة مع طحين

ومن بعد نجمعها بماء الزهر وندلكوها مزيان ونحطوها فثلاجة مدة ساعة

او ممكن نعجنوها بليل لغد ليه نستعملوها

محدها كتعطل فثلاجة مايوقع ليها والو

غي حاطوها لتحت ماشي لفوق وغطيها بسولوفان ومنين تكمل ساعة

نجبدها ونحطو طحين فوق طبلة ولا بوطاجي وندلكوه بحال لي فصورة

ونقطعوها بجرارة تاع شباكية ممكن ديري مثلت او مربع حسب الرغبة

ومن بعد نحطوها فزيت سخون تقلى

ونتي كتشوفيها تحمر شوية حيدها متخاليهاش تحمر بزاف

ومن بعد نحطو عليه لعسل ونرشوها بكاوكاو مهرمش

كيف الصورة ولا زنجلان محمر

او نفدوها فسنيدة حسب الرغبة

ممكن تقسمي العجينة على نصفين وتحتفظي القسم الاخر فتلاجة الاخر تستعمليه

كنتمنى يعجبوكوم ورمضان كريم

الجارة أم هديل

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة أم هديل[/author]