الدنجال معمر بالكفتة بالصور

أهلا الجارات الحبيبات

أنا جبت ليكم وصفة ديال الدنجال معمر بالكفتة

الطريقة والمقادير

أولا كنخد الدنجال نغسلوا ونزولوا الراس

ونخدوا نقيه من ثلاث جوانب كما باين فالصورة

من بعد نقطع كل دنجالة على جوج وإلا كان دنجالة صغيرة نديروها كاملة

ونفلحوه من جهة واحدة فقط

كما باين فالصورة

من بعد نقلوه ولكن غير نص قلية ونستفوه فطنجرة نخلوه كما فالصورة

حشوة الدنجال معمر بالكفتة

نخد بصيلة مشلظة رقيقة مع شوي تالزيت بلدية

ونشحرها شوي ونزيد لملح و الكفتة ونحلوها بالمعلقة

حتى مفرتة ونزيد الإبزار وإسكنجبير وتحميرة وشوي تالكامون والمعدنوس مقطع رقيق

ونحرك الكل ونزيد فلفلة حضرا مقطعة مربعات

ونحرك مزيان ونظيف ملعقة كبيرة من صلصة الطماطم ديال الدار
( طريقة عمل صلصة الطماطم في آخر الموضوع )
ونخلوا الكل يطيب حتى يشرب الما لطلقات البصلة

كما فالصورة

من بعد ما تتوجد الحشوة كنخذ معلقة ونعمر دنجال ديالي كما فالصورة

من بعد نخذ معلقة من مطيشة تالحك مع الما ونحركها ونكبها فالدنجال

غير فالجوانب مشي على الدنجال مباشرة كما موضح فالصورة

ونخلوه على العافية حتى تخثر المرقة ونطفي

وها الدنجال معمر باللحم المفروم وجد

يمكن ترافقه مع الروز مفور وبصحة وراحة

طريقة تحضير صلصة الطماطم في المنزل

طريقة تحضير صلصة الطماطم فدار وتقدري تحتفظي بها مدة طويلة

أول حاجة نخدوا 5 كيلو ديال مطيشة ديك لي حمر

ومن الأحسن نخدوا ديك لي بيضوية الشكل كتجي حسن 

نخذوا مطيشة نغسلوها مزيان ونزولوا ليها الرويس ونقطعوها طراف

ونطحنوها فطحانة مزيان من بعد نديوا فطنجرة كبيرة

ونزيدوا عليها شوي زيت العود +شوي تالملح +الإبزار

وخلوها فوق العافية حتى يزول منها الماء وتولي شوي خاترة

من بعد تكوني وجدتي القراعي وتعمري قرعة بقرعة

وتسديها وقلبيها فالحين على فمها وخليها هكداك حتى تبرد

من بعد تخديها وبقي توركي عليها بديك الغطى

إلا مدار شي حس راها مزيانة و ممكن تحتفظ بها بدون ثلاجة

هاد تصلاح الناس الموظفين والمعكزات بحالي
لي مفيها ما تخرج لسوق كل مرة هههههههههه

كنديرها فكاع الوصفات

جارتكم بشرى

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة بشرى[/author]