فخيدات الدجاج بالفلفلة فالفران

فخيدات الدجاج بالفلفلة فالفران من جارتكم حنان التازية، 

طريقة عمل فخيدات الدجاج فالفران بالصور والمراحل

مقادير فخيدات الدجاج

فخيدات  أو جنيحات ديال الدجاج
قزبور ومعدنوس
ثوم محكوكة
شوية العطرية 
ملح، ابزار، سكنجبير، زعفران، تحميرة، شوية كنور
هريسة حارة

عصير نصف حامضة أو قطرات دسال الخل
2 معالق دانون مسوس ( أنا متنديروش )
شوية ديال الموطارد اختياري ( أيضا مدرتوش )
شوية زيت المائدة
شوية الماء 
شوية زعتر محكوك

طريقة تحضير فخيدات الدجاج فالفران

كنخلطو كل المقادير ونخليوه يترقد 2 ساعات على الأقل

كنفرشو الفلفلة والبصلة شناتف فالطاوة فوق ورق الألمنيوم

ونستفو عليها فخيدات الدجاج ديالنا 

تنغطيوهم بورق الألمنيوم وندخلوهم للفرن يطيبو

ونفتحو عليهم الألمنيوم ونخليوهم يتحمرو غير شوووية وتشرب المرقة

ونحيدوهم من الفرن ونحطوهم فطبسيل مزين بالفلفلة والبصلة ووريدات ديال مطيشة 
( انا مبقاش لي وقت للتزيين )

إوا بالصحة والراحة راهم كايجيو لذااااااااااذ بزاف

غير جربوهم ماغاديش تندمو

ولاتنسوني من دعائكن جاراتي

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]جارتكم حنان التازية[/author]