مسيمنات معمرين بالطون ساهلين للمبتدئات ومذاق جد رائع وصحيين
السلام عليكم حباباتي
اليوم جبت ليكم مسيمنات صغار معمرين
بالطون ساهلين وكيجيو روعة بمقادير بسيطة جدا
بسم الله نبداو
المقادير :
عجينة ديال المسمن
2 زلايف دقيق فورص او فرينة
معلقة كبيرة سنيدة
معلقة كبيرة زيت نباتية
الحشوة
الشعرية الصينية
الطون
فرماج احمر
زيتون بدون عظم حلو او حار كما تشتهين جارتي
ملح
ابزار
تحميرة
طريقة التحضير :
كنصيبو الحشوة نكوبو الما طايب مزيان على الشعرية الصينية
من بعد 10 او 15 دقيقة كنشدوها كنصفيوها ونقطعوها مزيان
كنقطعو زيتون خضر تقدرو تخليوه صحيح
كنزيدو الطون انا كان شاط ليا من واحد المرة
و خليتو فالمجمد حتى حتاجيتو
كنزيدو الملح و الابزار و التحميرة
من بعد ماكنعجنو لعجينة وكنخليوها ترخا شوية كنديرو كريصات صغيورين
كنخليوهم شوية يرتاحو باش بجيونا ساهلين ملي نبغيو نكرصوهم
من بعد كنكرصوهم فشي اناء
كنديرو فرماج احمر
نحطو فوقو الحشوة ديالنا
كنجمعو العجينة على الحشوة من جناب بحال هكا
نطويو العجينة من الفوق
ونقلبوها ونطويو الطرف لاخر انا كانديو هاكا باش
متجيش جهة فيها العجينة بزاف و جهة لا
كتجي بحال هكا
كنستفوهم فطاوا وندهنوهم بالبيض وندخلوهم يطيب فالفران سخون مزيان
كتخرج هاكا
بالصحة و الراحة جارتي
كنتمنى تجربوهم
ماتنساوناش من دعائكم
زوين بزاف هاد المسمن الله ينورك
بالفعل ان موقع مهم يجعلنا نتعلم الكثير والمسنات رائعين و سأجربهم ان شاء الله
أرجوك ان ترسلي الجديد على الايميل
مقع معتبر يدعو للمتابعة وصفات راقية وفقكم الله
ياربي امين اختي سميرة