السلام عليكم وحمة الله وبركاته غدي نقدم ليكم جاراتي
وصفة لحماية الشفايف من التشققات و الجفاف وكتخلي
لونهم وردي بطريقة طبيعية اليكن الوصفة التالية
طريف الشهد الي هو الشمع البلدي
او نصف شمعة صغيرة بيضاء
ماء خيزو 2 معالق
( يعني تحكي خيزو وتعصري الماء ديالو)
راس معلقة العكر الفاسي
باش تعرفي الحقيقي من المزور
وهو ملي تديري العكر الفاسي في كاس
الماء بسرعة تيتلون فهو الاصلي ، والمزور
ملي تديريه ما تيعطيكش اللون في البلاصة
وتيهبط التحت
العكر الفاسي الى قدرتوا تجمعوه راه
هو بلعمان موجود في الطبيعة في شهر مارس
غير هو فينما بان ليكم جمعوه ويبسوه
وهانتي عندك العكر الفاسي الحر
( اوعكر فاسي دم الغزال )
المهم ديري الشمع في حمام مريم
وضيفي ليه عصير الخيزو
وراس معلقة صغيرة عكر فاسي
تخلطي كلشي مزيان وعمليه فقريعة
ومن الليل الليل ديريه لشفايفك تيرطبهم ويخلي
لونهم وردي طبيعي وطري
بالصحة والراحة
تااااااااااااااااااااااااااااااااانكس احبيبة شكرا بزاف حتى انا عندي مشكل شفاه بغيت يرجعو وردييييييييييييييين
اشنو سميت هاد الزهرة باللغة العربية بلعمان وفين غنلقة هاد عكر فاسي واش محالات ميكاب
بلعمان هو شقائق النعمان و عكر الفاسي موجود عند العطارة لكبار او محلات لي كيبيعو مواد التجميل
شكرا جارتي غنجربها نشاء الله
ما اقهمت شى
lah i3tik saha