كيكة ميلفاي بطريقة سهلة جدا

جاراتي العزازات اليوم قاديت كيكة ميلفاي بطريقة سهلة جدا

كيكة ميلفاي شهوة منها وبشكل رائع

وكتجي خفيفة وبغيت نشاركها معاكم وتجربوها

نبداو بسم الله

مقادير كيكة ميلفاي

4 بيضات

4 خمارات

2 كيسان سنيدة

2 كيسان زيت

نصف لتر حليب

الطحين حسب الخليط

كاكاو

طريقة تحضير كيكة ميلفاي :

كناخدو 2 زلافات وكنقسمو فيهم المقادير بالتساوي

كل وحدة فيها 2 بيضات كاس سنيدة كاس زيت 2 خمارات رابع حليب

كنطربو مزيان تيولي عندنا خليط متجانس

وحدة كنديرو فيها الكاكاو و وحدة لا و كنكبو الدقيق وفنفس الوقت حنا

كنطربو وملي نحسو بيها تقالت نهزو الطراب اليدوي الفوق

الا العجينة لي فيه متقطعاتش راه الخليط هوا هاداك و واجد

ومن بعد ندهنو طاوة بالزبدة و نرشوها بالدقيق وناخدو

جوج مغرفات وحدة نهزو بيها من العجينة البيضا

و وحدة من العجينة الكحلة كنكوبو المقرفة الاولة من

العجينة الكحلة  فوسط الطاوة كنتبعوها بمغرفة من العجينة البيضا

وكنبقاو غادين بحال هاكا حتى كنساليو العجينة كاملة

كنشدو موس وكانحطوه فالوسط ديال الطاوة و نبداو

نجرو تنوصلو للجنب ديال الطاوة بحال هاكا

وندخلوها لفران سخون مزيان

وهاهي كيكة ميلفاي موجودة بالصحة و الراحة

مانتساوناش من دعاويكم جاراتي