السلام عليكم اليوم غدي نقدم ليكم عشاء خفيف و ساهل
طورطات الكفتة و الخضرة المسلوقة بالبيشاميل
غير جربيه اجارتي راه غدي اعجبك ويعجب اسرتك ان شاء الله
مقادير طورطات الكفتة و الخضرة المسلوقة بالبيشاميل
كيلو إلا ربع كفتة متبلة – 2 حبات جزر مقطعة صغيرة و مصلوقة –
2 حبات بطاطس متوسطة الحجم مقطعة و مصلوقة –
كأس جلبانة مصلوقة – معدنوس – ملح – إبزار – بصلة مشلظة و محمرة في الزبدة –
50 غرام فرماج محكوك -صلصة البيشاميل –
50 غرام كاشير (مرتاديل) محكوك
لتزيين
صلصة الطماطم – شرائط الفلفلة خضراء مقلية –
زيتون أسود أو خس مقطع وحبات المزكور و الزيتون
طريقة تحضيرطورطات الكفتة و الخضرة المسلوقة بالبيشاميل
ذهني القوالب بالزبدة و دردري عليهم الدقيق
وضعي وسط كل واحد كويرة من الكفتة و سرحيها باليد على القالب كله .
وضعي فوق الكفتة الخضر مخلطة بصلصة البيشاميل مع الكاشير
ونصف مقدار الفرماج و المعدنوس ثم دخليهم للفرن حتى تطيب الكفتة.
من بعد , خرجي الطورطات من الفرن و دردري عليهم ما تبقى من الفرماج
ودخليهم مرة أخرى للفرن ليذوب الفرماج زوليهم من القوالب بعدما إبردو شوي
ووضعيهم في طابق التقديم متباعدين شوي .
ضعي على جوانب كل طورطة صلصة الطماطم و الفلفلة مقلية
أو الخس و الزيتون و المزكور و شوي المعدنوس
ولك الاختيار في التقديم
بالصحة و الراحة
zwinin lah ybarek 3lik, rabi ykhalik
امين يا ربي و جميع المسلمين
أشكركم كثيراً على هدا الموقع الذي أفادني وأفادت به جيراني و نال إعجابهم أيضاً لكم مني ومنهم جزيل الشكر ونحن في الغربة نحتاج كثيراً لمثل هذه المواقع وأشكر كدلك كل الأخوات على الوصفات التي قدموها لنا.
لبنى
شكرا اختي لبنى
Katban ldida ms tqdar t3tili wasfa dyal salsa d bechamel??
صلصة البيشاميل
http://www.jaratii.com/recipe/2250