حلوة الكوك بالفيرميسال سهلة بالــصـــور

حلوة الكوك بالفيرميسال ملون كاتجي رائعة وهشيشة وسهلة بالنسبة للمبتدئات

نبداو بسم الله

مقادير حلوة الكوك بالفيرميسال

زلافة زيت
زلافة سنيدة
8 بيضات
3 خمارات
الطحين
قشرة حامضة محكوكة
او فاني

للتزيين :

الكوك
الفيرميسال ملون

طريقة عمل حلوة الكوك بالفيرميسال

كنخلطو المقادير كاملة ونبقاو نزيدو الطحين تاتولي عندنا عجينة قاصحة شي شوية

كندهنو طاوة بالزيت و نديرو كويرات صغار ونستفوهم فوق الطاوة

ندخلوهوم الفران يطيبو يبداو يحمارو نخرجوهم

كندهنوها بالكوفتير وكنلصقو جوجات معا بعضياتهم

ونمرمدوها بالكوك مخلط مع الفيرميسال

وهاهي حلوة الكوك بالفيرميسال السهلة بالصحة و الراحة