حلوة هشيشة بالشكلاط رائعة

جديد الحلويات السهلة والمنوعة، اليوم أقدم لكن جاراتي حلوة هشيشة بالشكلاط

حلوة هشيشة بالشكلاط ساهلة وبالصور والمراحل خطوة بخطوة

نبداو بسم الله

المقادير :

رابعة زبدة ماركرين

110 غرام سكر كلاصي

60 غرام كوك

2 اصفر البيض

فانيلا

ملح

للتزيين:

الشكلاط اسود او ابيض

طريقة التحضير :

نمعكو الزبدة مع السكر كلاصي و فانيلا

ونزيدو اصفر البيض من بعد مايولي عندنا بحال الكريما

و الكوك و نخلط  مزيان

من بعد كنزيدو الطحين بشوية بشوية

حتى كتولي عندنا عجينة متماسكة ورطبة  قسمتها انا على جوج

وكتبقا فتلاجة لمدة تقريبا 12 ساعة

من بعد نخرجو العجينة من التلاجة ونسرحوها بالدلاك ونقطعوها على الشكل لي بغينا انا ختاريت نديرها مربعة

كندخلوها فران سخون تتحمار و نخرجوها

ندوبو الشكلاط لي عندنا وناخدو الحلوة ديالنا و نغطسو الجنب ديالها فالشكلاط

وملي يبدا الشكلاط يشد راسو فوق الحلوة ندير بسكين الزواقة لي عجباتني

وهاهي حلوة هشيشة بالشكلاط ديالنا بالصحة والعافية

ماتنساوناش بالدعاء ديالكم