كيش بصدر بيبي سهل جدا للمبتدئات

السلام عليكم جاراتي لاباس عليكم
جبت ليكم هاد المرة وصفة كيش بصدر بيبي
كيجي رائع فالمذاق وسهل
بالنسبة للمبتدئات في مجال الطبخ

نبداو بسم الله

مقادير كيش بصدر بيبي

500 غرام  دقيق
2 بيضة
250غرام زبدة
ملح
نصف كيلو صدر بيبي
بصلة مشلضة
زيتون خضر
فرماج احمر
ابزار
سكنجبير

طريقة تحضير كيش بصدر بيبي 

كناخدو الدقيق والزبدة

وكنخلطو مزيان حتى كيولي عندنا مرمل

كنخليوه من 4 تال 10 دقايق يرتاح و من بعد نزيدو البيض

ونجمعو العجينة و نديروها كيس بلاستيكي غذائي
كنشحرو البصلة المشلضة فالزيت
و شوية الملح ملي كترخا البصلة

كنزيدو صدر ديال بيبي كنكونو
مقطعينومزيان ملي يطيب مزيان
نحيدوه من المقلة و نخليوه يبرد

نجبدو العجينة من الثلاجة و نقسموها
على جوج ونطلقو كل جزء بالدلاك

الجزء الاول غنفرشوه فالمول من بعد
مانكونو دهناه بالزيت او الزبدة
ونتقبو العجينة بالفورشيطا

وندخلوها للفران طيب نص طيبة و نخرجوها
ونديرو فوقها صدر بيبي

ومن بعد الزيتون

وفوقها فرماج حمر محكوك

وناخدو الجزء التاني ديال العجينة ونغطيو بيه

نكونو دهنا جناب العجينة بالبيض ونجمعو الجناب
ونقطعو الى كانت العجينة شايطا فجناب بززاف
وندهنوها تاني من الفوق بالبيض
وندخلوها للفران يطيب مزيان و يحمار
وجه ديالها ونخرجوها

وهاهوا الكيش بصدر بيبي  بالصحة و الراحة  

الى بغيتي جارتي متغطيهش من الفوق بالعجينة
كاديري الحشوة لي كتبنا قبل وليني ماتزيديش
الفرماج لانه غنخلطوه مع 6 البيضات او اكثر
وكنكوبوه فوق الحشوة
وندخلوه للفران حتى يطيب يتحمر و نخرجوه
وهاهو بالصحة و الراحة