معكرونة بالطون والبيشاميل عشاء خفيف ظريف على المعدة

السلام عليكم جاراتي جبت ليكم هاد المرة شكل جديد ديال
معكرونة بالطون والبيشاميل عشا خفيف و لذيذ وسهل توجاد
ديالو نبداو بسم الله

قائمة المحتويات

مقادير معكرونة بالطون والبيشاميل :

معكرونة
زيت
طماطم حبات
صلصة البيشاميل
كنور ديال سباغيتي
الطون
ملح
ابزار
تحميرة
فص ثوم
سكنجبير
فرماج احمر او الموزريلا

اولا كنصلقو المعكرونة فالما و معلقة زيت و شوية الملح

ونوجدو صلصة الطماطم كنشحرو البصلة ونزيدو عليها مطيشة
مقطعة او محكوكة ونزيدو عليها كنور و الملح الابزار التحميرة
سكنجبير و فص الثوم محكوك

ونطيبوهم

كنصفيو المعكرونة من الما

وندهنو المول لي غيدخل للفران بالزبدة وكوبو فيه نصف كمية المعكرونة

ونديرو فوقها صلصة الطماطم و الطون

من بعد الجزء الثاني ديال المعكرونة و فوقها صوص بيشاميل وفوقها فرماج حمر محكوك

وندخلوها للفران يدوب الفرماج و نخرجوها و

هاهيا بالصحة و الراحة موجودة معكرونة بالطون والبيشاميل جارتي شهية طيبة