السلام عليكم جاراتي
كتشهاي دجاج كنتاكي و مكاينش
منين تاخديه ومعارفاش كيفاش
تحضريه جبت ليك الطريقة ديال دجاج
كنتاكي ليوم سهلة جدا وتحضريه بحال
لي كيدوز فالتلفزة
نبداو بسم الله
مقادير دجاج كنتاكي :
فخيدات ديال الدجاج
الموطارد
الثومة غبرة
الزعتر مطحون
الحبق
السودانية
الملح
الإبزار
الطحين
رقائق الذرة كورن فليكس
الزيت المائدة
طريقة تحضير دجاج كنتاكي :
في اناء نديرو الموطارد و الثومة غبرة
و الزعتر و الحبق و السودانية والملح
و الابزار و نخلطوهم ونديرو فيهم فخاد ديال الدجاج
ونخليوهم شي 2 سوايع ومن بعد
نفوروهم فالكسكاس باش ملي نديريهم يتقلاو
يكونو طايبين مزيان ومايشربوش الزيت
وفطبسيل نديرو الطحين فيه الزعتر و الحبق والثومة غبرة
و الملح و الابزار و السودانية ونمرمدو الدجاج ديالنا فالطحين
و من بعد البيض
و من بعد رقائق الذرة
ونديرو الزيت يسخن مزيان ونديرو دجاج ديالنا يتقلى
ونحوطوه فطبق التقديم فيه منديل باش يمص الزيت
ونقدموه بالصحة و الراحة هاههوا دجاج كنتاكي
wasfa ghzala tbarkllah 3lik a khti
tbrklah 3lik akhti
mmmmmmmmmmmclah i3tik lkher
salam ina hade al wasfa jide momtaza wa sihiya
شكرا اللّٰه يعطيك الصحة
Waw koulchi zwin lah ya3tikoum saha
ياربي امين
Asalamoalikum tbarklah 3likom mashaAllah chhiwat katchahi
السلام عليكم
ما هي السودانية
شكرا
وعليك السلام اختي السودانية هي الشطة او الفلفل الحار