كريب معمر بالدجاج وصلصة البيشاميل شهي ولذيذ جدا

السلام عليكم جارتي وصفة كريب معمر
بالدجاج و صلصة البيشاميل شهي جدا و لذيذ
كيحبوه الكبار و الصغار بلا منطول عليكم
جاراتي نعطيكم المقادير و طريقة التحضير

نبداو بسم الله 

مقادير كريب معمر بالدجاج و صلصة البيشاميل :

مقادير العجين :
3 بيضات 
نصف لتر حليب 
2 معالق كبار زبدة ذايبة 
ملح 
ابزار 
دقيق حسب الخليط 
مقادير الحشوة :
صدر الدجاج 
2 حبات بصلة 
2 حبات فلفلة 
ملح 
زيت زيتون 
ابزار
صلصلة البيشاميل 
فرماج احمر 

طريقة تحضير كريب معمر بالدجاج و صلصة البيشاميل :

فخلاط كنديرو البيض و شوية الملح والابزار
والحليب و الزبدة والدقيق ونطحنو و ملي
يولي عندنا عجين متجانس ونخليوه يرتاح

ومن بعد بنداو بطيبوه من جناب بجوج

وملي نكملو الكمية كاملة نخليوه ياخد درجة حرارة المطبخ 

نوجدو الحشوة فمقلة كنديرو بصلة
تشحر والفلفلة وزيت الزيتون والملح و الابزار
وملي ترخا البصلة و الفلفلة نزيدو الصدر ديال الدجاج
مقطع قطع صغيرة وملي طيب نخليوها يبرد

فكل كرصة ديال الكريب كنديرو شوية ديال الحشوة

وملي نكملو الحشوة و الكريب نستفوهم فصينية
او طاوة مذهونة بالزبدة

ونكوبو من الفوق صلصة البيشاميل

ونحوكو الفرماج حمر من الفوق

وندخلوها الفران ملي تشد راسها ويدوب الفرماج
نخرجوها و نقدموها بالصحة و الراحة  كنتمنا تجربيها 

بالنسبة لطريقة عمل عجينة الكريب فأنصحك بهذه الوصفة : أحسن طريقة لعمل عجينة الكريب