السلام عليكم من عند الاخت حورية المطبخ كنقدم
ليكم مسمن معمر بمقادير بسيطة لذيذ بالصور
كيجي بنين و سهل فالتحضير غير جربيه
اجارتي راه غدي اعجبك
غادي نحتاجو ليه الفلفلة ملونة
2 بصلات
3 مطيشات
نشحرو البصلة فالزيت والملح وابزار
ونزيدو الفلفلة بالالوان واللي تيبغي الحار ايزيدو فلفلة
حارة احتا هي يقطعها صغيرة
من بعد مطيشة
ونغطيو المقلاة ونخليو كلشي ايطيب اعلى عافية منقوسة
باش الخضر تطلق الماء ديالها وهو فاش غادة تطيب
شوفو شحال طلقات الخضر الماء
من بعد نزيدو فالعافية ونخليو كلشي يتشحر احتا تنشف مزيان
ونخليوها تبرد انا تنصوبها الصباح وفالعشية تنعمر بيها مسمن عادي
انا هاد لقياس دارت زلافة فورص وزلافة الفينو وملح وشوية
لخميرة ماشي بزاف غير كديبة هههههه
تعجن مزيان ونديروه كويرات ونخليوها ترتاح
واللي طلقتها مباشرة انديرها تطيب
وهاهو من بعد ماوجد بنين والله احسن من ديال الكفتة
وخصوصا انا ماعنديش امعا الكفتة
راه مزال غادي نسخنو هداك شي اعلاش ماحمرتوش بزاف
حيت معا تسخان ايزيد يتحمر
نتمنى يعجبكم وتجربوه
بالصحة و الراحة
salam okhti tbarklah 3lik bayna fih zwin wldid ana chkhsiyan kandiro ou kay3jbni bzaf tbarklah 3lik.
chokran bzaf 3la had lwsfa ana dima kansaybha walkin kanzid fiha ch3rya sinya katji bnina
العفو أختي ليلى
وشكرا على الاضافة
HAD CHI RAH JARRABTHA OU JAT WAAAAARA
بصحتك حبيبة كوثر
هادشي بنين الله يعطيك الصحة