كرواصة محشوة بالكفتة للمبتدئات مشروحة بالطريقة و الصور

السلام عليكم جارتي الحبيبة كرواصة محشوة بالكفتة
باغا توجدي للمجة شي حاجة مالحة و زوينة فنفس
الوقت هاد الوصفة رائعة

نبداو بسم الله

مقادير كرواصة محشوة بالكفتة :

500 غرام العجينة المورقة
250 غرام كفتة لي بغيتي ديال البقر او الدجاج
1 حبة بصلة كبيرة
فرماج مثلثات
معلقة صغيرة ديال الزبدة
مكعب ديال البنة ديال الدجاج
ملح
ابزار
بيضة مطربة

طريقة تحضير كرواصة محشوة بالكفتة :

فمقلة كنديرو بطلة محكوكة مع معلقة ديال الزبدة تشحر

من بعد نزيدو ضامة البنة و الملح و الابزار ومن بعد
نزيدو الكفتة ونخليوها تقلى طريفات صغار
لمدة 10 دقائق

ومن بعد نخليوها تاخد درجة حرارة المطبخ
فوق طبلة كنسرحو العجينة ديالنا ونقطعوها على شكل مثلثات
ونديرو فوقهم شوية الحشوة وطرف ديال الفرماج

ونلويوها على شكل كرواصة
وملي نكملو العجينة و الحشوة كاملة ندهنوهم
بالبيض ونحوكو فوقها الفرماج حمر

ونخليوهم يرتاحو 10 تال 20 دقيقة
ومن بعد ندخلوهم للفران سخون حتى يتحمرو ونجبدوهم

وهاهياا كرواصة محشوة بالصحة و الراحة جارتي