السلام عليكم جارتي كيكة بالفواكه
رائعة سهلة التحضير وايضا بمقادير متوفرة
من الجارة العزيزة احلام
نبداو بسم الله
مقادير كيكة بالفواكه :
3 بيضات
كاس سنيدة
كاس زيت
شوية الملح
موزة
فراولة واحدة
برتقالة كبيرة
خمارة و نصف ديال الحلوة
1 فاني
والطحين حسب الخليط
ونضيفو معلقة كبيرة خل
للتزيين :
الشكلاط الابيض و الاسود
الفراولة
طريقة تحضير كيكة بالفواكه :
كنقشرو ونقطعو الفواكه و نديروهم فالخلاط الكهربائي يطحنو
وفإناء كنديرو البيض و السنيدة و نخدموهم مزيان
ونزيدو الزيت و الملح وملي نخلطو داكشي مزيان
نزيدو الفواكه المطحونين
ثم نضيف الطحين ومعلقة الخل
حتى تجينا العجينة مفشفشة
من بعد ندهنو المول ديالنا
لي غندخلو الفران بالزبدة و نرشوه بالطحين ونكوبو الخليط
ونروشو العجين من الفوق خنيشة ديال الفاني وندخلوها الفران
عاد نشعلوه وتكون العافية مهيلة منخليوها طيب من 45 تال50
دقيقة حتى تبان ليكم حمارت وملي نخرجوها من الفران نزينوها
بالشكلاط الابيض و الاسود دايب وقطع الفراولة
وهاهيا جارتي بالصحة و الراحة
من الجارة احلام
اختي راكي نسيتي ما عطيتنا ش الطحين شحال واشمافيهاش طحين مايمكنش راكي نسيتي الطحين شكرا
oui fiha t7in men tabi3t l7al ghadiya diri 7ta katwli b7al kika 3adi o tzidi chwiya khal rah nsito bach tji mfachfcha .merci
t7in kandiroh 7ta katwlib7al 3jin ay kika .0momkin nzido m3al9a kbira dyal l khal bach tji mfachfcha kter
انا سارة من الجزائر معجبة بوصفاتكم لانها ناجحة واشكركم كثيرا و اشجعكم على المواصلة في هذا المنوال
salam chokrane jara ahlam hade al wasfa jide sahla wa momtaza 3jbatni bazaf chokrane mara taniya
waaaaaaaaaaaaaaaaaaaaaaaaaaaaaaaaaaaw atba9okom hilwaaaaaaaaaaaaa gidaaan
اللّٰه يعطيك الصحة
زوينة تبارك الله عليك معند منقول بغيت غير نسولك واش كديرها فلمول ديال سلكون ؟
كلا اختي حبيبة
غير فالمول العادي
Wach momkin ndir teffa7 fbLast l fraise et mrc 🙂