السلام عليكم اليوم جبتليك اكلة خفيفة لي معجازة بحالي هههه كرتان غزال وبنين
مقادير و طريقة تحضير
كنشد جوج مطيشات ونحكهوم فمقلة ونزيد عليهم معدنوس
لبزار ثومة محكوكة
زيت الزيتون شوية والعادية
زعفران ملون
تحميرة
كمون
ملح
ونخاليها حتى تشحر وتشرب ماها وتعقاد
ندوزة تفريشة التانية
كنشد بطاطا تقريبا ربعة ونقطعهوم مكعبات و نقليهم فزيت
او ندهنهوم بشوية زيت وملح ونحمرهم الفرن حسب الرغبة
نجيب بصلة مشلظة ونطيحها فشوية زيت ولبزار وملحة
ونزيد عليها كفتة حتى طيب مزيان
المرحلة الاخيرة فاش نوجدو كولشي
كنجيب مول كيتحل ونفرش عليه لاصوص ونزيد من فوقو بطاطيس نستفها
ونحط من فوقها كفتةمع البصلة ونجيب تقريبا تلات بيضات وضربهم
ونحطو فوق الخليط نحك الفرماج عليهوم وندخلها الفرن مكتاخودش الوقت فطياب
وكتجي رائعة ها الصورة تاعها لذيذة وحبوها الاطفال
بالصحة و الراحة
وصفة من عند الاخت ام هديل
عطاك الله الصحة،وصفة غزالة وباينة لذيذة،غنديرها ان شاءالله.
شكرا اختي عائشة اه غزالة غي جربيها
بالصحة الغزالة نجربها حيت انا من بين المعجازات مع كل احتراماتي لهم
لهلا تسولي على لعجز نهار يجي هههههه بصحتك
شكرا على الوصفة أختي أم هديل
العفو اختي ام امجد
salam lah inwrak ahbiba
اميييييييييييييييييييييييييييين الحبيبة ربي يخاليك الزين
Allah i3tik seha akhtu rani jerbto ja bnin tbarklah 3lik
بصحتك اختي صفاء ربي يخاليك
الله يعطيك الصحة ام هديل الله يحفظ ليك هديل وينوورك
اللّٰه يعطيك الصحة
Wasfa ra2i3a
تبارك الله علبك اختي كتشهي غنحربها انشاء الله
السلام عليكم….
اذا ممكن نعرف شنو هو معنى مطيشات؟؟
شكرا
مطيشة هي الطماطم راه جربتها اجات هائلة ولذييييييييذة شكرا ام هديل على الوصفة تبارك اللّٰه عليك
الطماطم
الله يعطيك الصحة،مكرهتش نذوقها من يديك
يعطيك الصحة اختي
يعطيك الف الف صحة على الوصفة
تبارك الله عليك.باينة فيها كتشهي غنجربها اكييد
شكرًا أختي جربته عجبني mmmmmmmmmm
3afak wach la sos ndirha direct ola ndhen lmoul b chwia t zit wa chokran 🙂
Ghzala
Ana jdida m3akom o 3jabni mawki3bezzaf
انا اروى هايلة الوصفة
وانا جديدة معاكم
مرحبا بيك معانا اختي اروى في موقع جاراتي
salam khty wsifa zwina mais fromaj madabch ghir tahr9 chwi tbarklah 3lk w3la kol saraha ana stafat bzaf wla rajly taigoli lmakla wlat tatsda9 lk zwina tangolo chokran a lordinador hhhhhhh
السلام عليكم كل متتبعي موقع جارتي رمضان مبارك سعيد اما الوصفة لديدة الله يعطيك الصحة ام هديل