عشاء خفيف ومتنوع للجارة أم كنان

السلام عليكم هادا عشاء خفيف بالنسبة لمكيبغيش اتقل بالليل

المقادير

اصابع البطاطا
بطاطا مسلوقة على حساب الاشخاص
روز مطحون 2 معالق
شابلير 2معالق
قزبور ملح شوية كنور
بيضة
من بعد منجمعو كلش نشكلهوم اصابع ولا كويرات على حساب لبغتو ونقليوهوم

ندوزو للسندويشات ديالنا

العجينة كتكون من

500 غ الطحين
3معالق د الزيت
معلقة ك د الخميرة ونفس الشيء بالنسبة للسكر

ونجمعوهم بالحليب و ندلكو مزيااااان و نخليوه اخمر المهم بحال الخبز د الدار

من بعد نحلو الكويرات ديالنا و نعمروهم بلي بغينا

انا درت الطون و الزيتون و البصلة شحرتهوم و عمرت بيههم

الى عندك الالة ديال بانيني طيبهم فيها الى معندكش طيبهم فالمقلاة

ندوزو للشلاضة ديال الخيار

كنحكو الخيا و نديرو ليه السكر ولا ليبغيتو و التزيين كيبقى اختياري

و بالصحة و الراحة