حلوة اوكي طبيعية وبدون مواد حافظة ( بالصور )

بالصور والمراحل طريقة تحضير حلوة اوكي ، حلوة شبيهة ديال بيمو اوكي المعروف والحلوة أنشرها نزوالا عند طلب الاخت ” Oum Aya ” اللي نشرت طلبها على صفحة جارتي على الفيسبوك . حلوة اوكي هذه تاتجي رائعة المذاق اقتصادية واكبر حجما من قطع بيمو اوكي والأهم من هذا كله هو أنها طبيعية 100/100 وبدون مواد حافظة ومنتوج يديك وتحضرينها في مطبخك ، 

هاهو بيمو اوكي اللي ماعرفاتوش 

هدي مدّة ماصوّرت شي وصفة شخصيا ونشرتها بسبب كثرة الانشغالات والحمد لله فجميع الجارات يشاركن بعضهن البعض بوصفاتهن الرائعة كل يوم ، وشكرا لكم جاراتي على وفائكن .

مقادير حلوة اوكي : 

250 غرام زبدة
كأس عنبة ديال الزيت
كأس عنبة ديال السكر كلاصي
3 معالق كبار من الكاكاو 
والدقيق حسب الخليط 

للتزين : 

للتزيين نقوم بعمل الشكلاط مذوب في حمام مريم مع قليل من الزيت

في البداية قمت بتذويب الشكلاط مع الزبدة، لكن الأفضل تذوبيه مع الزيت

طريقة التحضير حلوة اوكي

نقوم بخلط الزبدة والسكر كلاصي جيدا 

ثم بعد ذلك نضيف الزيت حتى نحصل على خليط يشبه الكريما

ثم نضيف الكاكاو ونستمر في الخلط 

وأخيرا نضيف الدقيق حتى تجمع لينا العجين 

ونسرحها بالمدلك ، ونقطع على شكل دوائر باستعمال كأس صغير 

أنا معنديش كأس صغير استعملت الفوهة ديال قرعة قهوة 

وفالأخير نستفوها فالطاوة وندخلوها للفرن 

باش طيب لينا حلوة اوكي

ونردو ليها البال لأنها تطهى بسرعة 

من بعد ماخرجناها من الفرن نترك قطع حلوة اوكي لتبرد

ونلصقها بالشكلاط ونغطسها ونضعها فوق بلاستيك غدائي حتى تجف أو ممكن نضعها في الثلاجة أفضل

هاهي مقارنة مع قطع بيمو اوكي

والصراحة اللي عاقل على أوكي فالأيام الأولى كان أقرب لهدي اللي عملت

رها غدي تعجب لولدات بصحتهم حلوة اوكي لكثيرة

وهاهو شكل حلوة اوكي النهائي 

بالصحة والعافية، راه تاتجي هشيشة ورطبة مقارنة بالبيمو