السلام وعليكم جاراتي اليوم جبتليكم وصفة مكروني بالفلفلة والهوت دوك، وصفة بسيطة كتصلاح لشي عشيوة خفيفة وسهلة التحضير وكتجي لذيذة بزاف نتمنى ترجبوها وتنال الإعجاب ديالكم وللي عجباتو متنساوناش بصالح الدعاء
الطبق هو عبارة عن مكروني بالفلفلة والهوت دوك
المقادير
مكروني أي نوع تحبين
فلفلة خضراء
واحد نصف بصلة كبيرة ولا واحدة صغيرة
حبتين من الطماطم
فصين من الثوم
النقانق او الهوت دوك
صلصة الطماطم
ضامة من مرق اللحم
الزيت + الملح + الإبزار+ سكينحبير+ التحميرة
الطريقة
في مقلاة كتشحري البصل والفلفلة مقطعة خضراء وحمراء او اللي فضلتيه مت الزيت والملح
وكتقشري مطيشة وطحنيها مع الثوم وكتضيفيهوم على البصل وكتضيفي التوابل وصلصة الطماطم وكاس ماء
وكتخلها تشحر مدة 10 دقائق وطبعا تكوتي سلقتي المكروني مع الملح وملي كتوجد الصلصة كتضيفيها على المكروني
وكتضيفي قطع النقانق اللي تكوني سلقتيهوم ايضا في الماء وتخلطي كولشي
وها طبق مكروني بالفلفلة والهوت دوك واجد
نتمنى تعجبكم
جارتكم الوصفة Lamarti
كتبان لذيذة اللّٰه يعطيك الصحة
بارك الله وفيك اختي ام يحيى جيما منورانا بتعليقات جيالك احبيبة
عطاك الله الصحة، وصفة ساهلة ولذيذة،تبارك الله عليك.
بارك الله وقيك احبيبة هدى من ذوقك
لله اخليلك صحيحتك التي هودا وصفة رها سهلة جدا غير لعگز او صافي
Amiiiin barak lah ofik
Bidoun ta3li9
يمكلي مندير ولو لهوت لوالو