طريقة عمل حلوة باكيط الكاوكاو بالصور

جديد موقع جاراتي والجارة أم ندى ، حلوة باكيط الكاوكاو بالصور وشرح المراحل بالخطوات . حلوة باكيط الكاوكاو رائعة ومناسبة اللي بغات توجد لحلويات العيد 2015 هاهي الوصفة والطريقة عندها 

المقادير العجينة :

نص كيلو دقيق
نص كاس زيت
نص كاس زبدة مدوبة
نص كاس ماء الزهر
بيضة
قبصة ملح
2 معالق سكر
قليل من الماء

الحشوة:

كيلو كاوكاو بلا قشور
بيضة
سكر صقيل حسب الدوق
كونفتير لجمع العقدة
ساشي ديال ماء الزهر او فاني
نسمة اللوز

الطريقة:

نخلط مقادير العجين نرمله ونجمع بقليل من الماء لجنع العجين ونكور 4 كورات نخليهم يرتاحو شوية .

نسخنو الفران مزيان وندخلو فيه كاوكاو غي شوية خسها تبقى بيضة متحمرش

ونطحنوها مزيان ونخلطوها مع السكر انا سكر كندير وكندوق

ونزيدو بيضة وساشي ماء زهر و نسمة اللوز غي شوية ونجمعوه بالنفتير .

ونشدو ندلكو العجينة مزيان خاسها تولي رقييقة

نشدو سولوفان نديرو فيه عقدة كاوكاو ونغطيوه بالسلوفا وندلكوه ونديروه فوق العجينة

وندلكو عجينة اخرى ونغطيو بيه الكاوكاو ونفوتو دلاك عليه ونقطعوه مستطيلات

ونلويه وندهنو جناب ببياض البيض ونرشو كوكاو مهرمش وندخلوه الفران

منين نخرجوه هو سخون ندهنوه بالنباج .

الطريقة بالصور :

أتركك جارتي مع صور مرحل عمل حلوة باكيط الكاوكاو

كيجي رطب والبنة ديالو بحال اللوز .

ملاحضة : هاد الكمية كتخرج بزاف ولا بغيتو غي شوية ديرو نص المقادير

اضغطي هنا لمشاهدة باقي وصفات الجارة أم ندى