وصفة جديدة من الجارة ام اكرم في موقع جاراتي ” منبر مشاركة الوصفات ” الوصفة هي عبارة عن فكرة باش تحتفظي على خبز الدار لمدة اطول خصوصا في فصل الصيف . دون إطالة اتركك جارتي مع وصفة الاخت أم أكرم
السلام عليكم اول مشاركة ليا معاكم وكنتمنا تولي عادة عندكم لانكم غتستافدو منها
ففترة الصيف كيولي مشكيل ديال الريحة ديال الخميرة فالخبز ومكيصبرش بزاف بحال البرد
وهاد الطريقة لي كادير ماما خلاتنا نسا الريحة ديال الخميرة فالخبز ومبقيناش كنجمعو الخبز كارم بزاف
مقادير :
فقط لي كتحتاجو هو باكية ديال الخميرة المعجونة
والدقيق تقريبا نفس او اقل بقليل من كمية الخميرة
طريقة :
سنحتاج غربال عينيه يكونو كبار من الحديد كنعجنو الخميرة و الدقيق وكنبسبسوهم
داك الخليط لي ولا عندنا ندوزوه فالغربال كامل
باش يولي عندنا الحبيبات كاملين بقد متساوي
ونسرحوها فوق طاوة وملي نكملو الكمية ديالنا نديروها فشي بلاصة مهوية مزيان وفيها الظل
ونبقاو نحركو كل مرة حتى تمشي الريحة متبقاش فيها ونديروها فقرعة
وقبل منستعملوها ناخدو معلقة منها وندوبوها فشوية الما او الحليب
الا عجباتكم و جربتوها دعيو معايا دعوة ديال الخير
شاركينا أنت أيضا وصفاتك جارتي من هــنــا
Chokran bzaf 3la had lfikra wntmna lik lkhire
امين ياربي و جميع المسلمين
شكرا بزاف مواضيع مفيدة و سهلة الله يجزيك كل خير
ياربي امين اختي ام انس