السلام عليكم جاراتي اش خباركم
هاد المرة عندنا وصفة غريبة بالسميدة و الكوك من الوصفات التقليدية
ولكن كل جارة والطريقة باش تعلماتها من عند ماماها و جداها,
هاد الوصفة جبتها بطريقة سهلة و كذلك مشروحة بالصور
بلامانطول عليكم
نبداو بسم الله
المقادير :
250 غرام سميدة متوسطة
100غرام كوك
100 غرام سنيدة
كاس صغير زيت
2 بيضات
قشرة حامضة محكوكه
خميرة الحلوة
الفاني
سكر صقيل
للتزيين :
كاوكاو
طريقة تحضير غريبة بالسميدة و الكوك :
في اناء كنديرو المقادير الجافة ديالنا كاملين
نخلطوهم مزيان مع بعض
وعاد نضيف الزيت وبيضة وحدة ونخلطوهم
ويلا لقيناها باقي ناشفة نزيدو فقط اصفر البيضة الثانية
ويلا مازال خاصها نزيدو الابيض لان السميدة كاين لي كتشرب
بزاف وكاين نوع لا انا درت البيضات بجوج ونجمع الخليط
نشكل منو كويرات
نبسطهم شوية ونفدها في السكر صقيل
ونديرو فوقها كاوكاوة
ندخلهم الفرن على 180° الا كان عندك غير فرن عادي جارتي يكون
سخون مزيان وتسبقي تحطيها فالجهة التحتانية باش تفكع مزيان عاد
طلعيها الفوق ومتخارجيها حتى يولي لونها ذهبي وتشقق مزيان نخليو
غريبة بالسميدة و الكوك تبرد ونحتفظ بها في علبة باش تبقا طرية
وبالصحة والراحة
كنتمنا تعجبكم و تجربوها وتدعيو معانا دعوة ديال الخير
tbarklah 3lik jarti chokran lik bzaf
tebarekelah 3elik jarti
الله يبارك فيك
ما شاء الله هاد حلوة زوينة وانجربها وندعي معاك
وزينة وبزاف لهلا يختيك
السﻻم انا كتعجبني كل وصفاتك زونين وسهلين
شكرا اختي زينة
صراحة اقتصادية وزوينة شكرا الحبيبة
اختي انا عندي مشكل مع الفقاص كيتشقق فالفران فدوني عفاكم
شكراااااااااااااااااااااا
Ajmal halwa kanchofa
lah i3tik saha
salam hbiba jatni 9asha
Salam lay3tikom seha
ياربي امين
غزالين ليعطيك صحة تبرك الله عليك
ياربي امين
الله يعطيك الصحة وجميلة في منظرها واكيد حتى البنة
ياربي امين
حلويات هايلة ما شاء الله
شكرا حبيبة
lah y3tk saha walakin wach dak chkl kaywli mn b3d man da5louha l fran
نعم اختي خديجة كيتشقق ملي كدخليها للفران
ana ga3 makatsdklich katji sayha
غير تبعي المقادير و الطريقة كيفما مشروحة و غدي تجي مزيانة بالتوفيق ان شاء الله
في الحقيقة باقي ما جربتهاش…ولكن انشاء الله غنجربها اكيد.شكرا للاخت على مجهودك.
بالتوفيق ان شاء الله
جربتها اوصدقات ليا شكرا اختي
بالصحة و الراحة
شكرا
العفو حبيبة
اعجبن هد
بالصحة و الراحة
لا شك ان المربي رائعة فدائما ما تكون الاطعمة هي مصدر طاقتنا و نستقبلها يوميا حتي نستطيع اكمال الحياة بالشكل الطبيعي هذه هي طبيعة الكائن البشري حتي الحيوان يجب ان ياكل حتي يمتدد بالطاقة وفالغذاء هو مصدر الحياة و روحك الثانية كالسيارة تتغذي من البنزين او اي نوع من الوقود حتي تستطيع الاكمال و السير ..
مااريد ان اوضحه لكم انني عرفت فائدة الحلويات و خاصة تلك التي تساعدني علي زيادة الطافة والبور اكثر شاهدنا اعلان شوكولاته مورو تعبر عن الطاقة و المزيد من النشاط هذا لا يكون في منتج معين وانما هي السكريات او الحلويات في الشوكولاته بطبعها تفيد جسمك و تجعلك اكثر نشاطا ..
انصحك دائما بالاكثار من الحلويات التي تزيد من نشاطك و يمكنك عمل حلويات من المنزل بسهولة جدا و حلويات اكثر من رائعة ايضا و غير مكلفة كما نشتريها من الخارج
ghzala ya3tik saha
ياربي امين