طورطات سهلة بالصور : طارط بالتفاح

دائما مع جديد الطورطات والحلويات ، أقدم لك جارتي طارط بالتفاح رائعة مذاقا ومنظرا

طارط بالتفاح هذه مشاركة من موقع delicesdetouslesjours ، وكالعادة للمزيد من وصفات الطارط السهلة والشهية تفضلي بزيارة قسم حلويات الكريم والطورطات على موقع جاراتي مـــن هــنــا 

مقادير العجين:

3 بيضات
كاس سنيدة
كاس زيت
1 ڤاني
نصف خمارة
دقيق حسب الخليط

الحشوة:

2 تفاحات محكوكين
سكر سنيدة
2 تفاحات كاملين

للتزيين :

السكر الصقيل

طريقة تحضير طارط بالتفاح :

اول ملرحلة من مراحل تحضير طارط بالتفاح هي أننانحضرو الحشوة،

نديرو التفاح محكوك و السكر حسب الذوق فوق العافية حتا يتعسل و يولي خآتر و نخليوه يبرد

نطربو البيض مع السكر و الزيت، و نضيفو الدقيق و الخميرة بشوية بشوية

و نجمعو العجينة بإدّينا حتا نحصلو علا عجينة لينة،

نديروها فمول خاص بالطارطة مدهون بالزيت و نخليو الربع ديال العجين باش نزينو بيه،

ندهنو إيدنا بالزيت و نقادو العجينة مزيان فالمول و نطلعو الجوانب

نديرو فوق العجينة التفاح لي كنا عسلنا،

و نقطعو التفاح الكامل انصاف دوائر و نديروهم فوق الطارطة،

نديرو من العجينة اللي بقات لينا اصابع رقيقة و طويلة،

نزينو بيهم الطارطة كيفما فالصورة و ندخلوها تطيب على عافية مهيلة فالفران حتا تحمر من الفوق،

منين تطيب نخليوها تبرد و ندردرو عليها السكر الصقيل

وهاهي صور تقديم طورطة التفاح بالصحة والعافية