معقودة مقلية بالخضرة

معقودة مقلية بالخضرة سهلة التحضير وتاتجي بنينة بزااف ممكن تعمليها مرة مرة للاسرة ، لكن متكتريش منها لأنها مقلية فالزيت . يعني ماشي تعمليها كل يوم طبعا 

وصفة معقودة هذه أشاركك إياها جارتي من مدونة delicesdetouslesjours ، كما ادعوك لالقاء نظرة على وصفات اخرى للمعقودة على موقع جاراتي مثل معقودة محشية بالفرماج بالصور والخطوات و وصفة معقودة بالطون و الكاشير

المقادير

4 حبات بطاطس
1 قرعة خضرة
ملعقة كبيرة معدنوس مقطع
بصلة
بيضة
2 ملاعق كبار دقيق
ملح، ابزار

طريقة معقودة مقلية بالخضر

نحكو البصلة، البطاطا و القرعة،

و نصفيوهم فالصفاي باش ينشفو من الماء،

و نضيفو ليهم المعدنوس، الملح، الابزار،

نخلطو كلشي و نخليوه يرتاح 30 دقيقة في الصفاية،

من بعد 30 دقيقة نضغطو عليهم مزيان وسط الصفاي باش يخرج منهم الماء اللي فيهم

و ينشفو مزيان (نقدرو نصفيوهم فثوب)

نديرو الخضر في اناء، نزيدو عليهم البيض و الدقيق،

نخلطوهم مزيان و نكونو منهم كوايرات نضغطو ليهم شوية باش مايجيوش غلاض،

نقليوهم فزيت سخونة حتا يتحمرو و نقدموهم سخونين

هاهي بعض صور تقديم معقودة مقلية بالخضر