هل سبق وأن سمعت جارتي بحلوة غريبة الجبل والبعض يسميها غريبة الخيمة وطبعا التسمية راجعة لشكل الحلوة، نوع غير معروف كثيرا من حلوة الغريبة وهي تسمى في بعض المناطق بمسمى غريبة الجبل
حلوة غريبة الجبل مشاركة من الأخت سكينة LINK ، كما ندعوك جارتي لزيارة عددمن وصفات حلوى الغريبة على موقع جاراتي من هـــنـــا
المقادير
كيلو دقيق
نصف رابعة زبدة مارڭرين
150 غرام سكر صقيل
زيت باش نجمعو العجينة
شوية القرفة للتزيين
الطريقة
نخلطو الدقيق مع السكر، نضيفو ليهم الزبدة و نخلطوهم مزيان حتا تدخل الزبدة في الدقيق،
و نجمعو العجينة بالزيت حتا تولي عندنا عجينة متماسكة
نشكلو من العجينة كرات و نعليوهم شوية من الفوق فحال شكل الجبل فحال في الصورة،
نديروهم فلاطة مدهونة بالزيت و من الاحسن تكون مرشوشة بالدقيق،
نزينوهم برشة ديال القرفة
ندخلوهم للفران سخون من قبل و نخليوهم يطيبو حتا يصفارو بلا مايتحمرو بزاف،
منين يطيبو نخرجوهم و نخليوهم يبردو،
حلوة غريبة الجبل هذه تاتجي رائعة وتذوب في الفم ، بالصحة
واش معنى كلمة رابعة.شكرا على الوصفات الاكتر من رايعة
رابعة هي 250 غرام
شكرا عزيزتي
شكرا ليك جارتي المديرة ربي يجازيك
لا شكرا علا واجب
شكرا على التوضيح،انا جزائرية وجديدة على الموقع،وعلى اللهجة نتاع خوتي المغاربة .
مرحبا بيك اختي نادية
mrc 3la had lwasafat
واش مافيهاش الخميرة
لا اختي مافيهاش
ا
شكرا على هذه الوصفة
ما اجمل هده الوصفة وشكرا
اختي جرتها وقات تتحل غيا نعرف من واش قعدا تتحل ومتشدش