شنيك بالقرفة لذيذة ورائعة وبطريقة سهلة التحضير

السلام عليكم جاراتي جبت ليكم شنيك بالقرفة وهي و
صفة امريكية كتسمى سينامون رول و تقدم مع اتاي أو القهوة
بالحليب معصرة بالطريقة التقليدية كاين العديد من الطرق لتحضيرها
وليني ختاريت هاد الطريقة لانها كتجي رائعة وهشيشة كدوب فالفم
نبداو بسم الله

المقادير :

مقادير العجين :
نصف كيلو طحين أبيض
350 مليلتر حليب دافئ
50 غرام حليب نيدو
50 غرام سكر سنيدة
75 غرام زبدة بحرارة المطبخ
20 غرام خميرة فورية نتاع الخبز
بيضة واحدة
ملح

مقادير الحشوة :
50 غرام سكر بني إلى ممتوفرش نعمل العادي
75 غرام زبدة لينة
20 غرام بودرة الشكلاط “غبرة”
ملعقة كبيرة قرفة
للتزيين :
200 غرام شكلاط ابيض
100 مليلتر قشدة طرية سائلة
كراميل

طريقة التحضير :

فاناء نديرو الطحين الملح والسكر سنيدة والحليب بودرة وخميرة الخبز

والبيضة ونعجن كلشي بالحليب

ونزيدو الزبدة مقطعة فالاخير

ونعجنوها مزيان  ونخليوها تخمر وهي مغطية ومحطوطة فبلاصة دافية
انا خليتها لمدة نصف ساعة

من بعد نجيب العجينة

ونسرحها فوق طبلة

تكون مرشوشة بطحين مزيان ويكون السمك ديالها رقيق

ونجيبو الزبدة لي تكون خدات درجة حرارة المطبخ

وندهنو بيها العجينة كاملة

وعاد الشكلاط غبرة

ومن بعد القرفة

إلي ما تبغيش مذاق القرفة تنقص نعمل رشة خفيفة فقط
منديرش الكمية كاملة فوق الشكلاط وعاد فالأخير ندردرو السكر البني

ونلفو العجينة بحال لي مبين فالصور

ومن بعد نقطعو العجينة دوائر بنفس القياس

نديروهوم فصينية مدهونة بالزبدة ومرشوشة بالطحين
ونبعد ما بين كل حبة نخلوها لمدة عشر دقائق

وندخل الطاوة للفرن مسخن على درجة حرارة 120°
ونخليوهم لمدة كافية حتى طيب ما ياخدوش وقت كبير
ومانخلوش لون شنيك بالقرفة يحمارو بزاف اللون يكون ذهبي
باش يجيو هشاش والمذاق ديالهم رائع ومن بعد ندوزو لمرحلة التزيين
و نقدموها نخرجهوم من الفرن ونخليوهم ياخدو درجة حرارة المطبخ
ونقدموهم درت شكلاط أبيض دوبتو فحمام مريم

وزدت عليه القشدة الطرية السائلة

وخلطتهم حتى حصلت على صوص بيضاء ودرتها
فوق شنيك ديالنا وزدت عليهم الكراميل

كنتمنى تعجبكم وتجربوها

وبالصحة والراحة

لا تنسونا من صالح دعائكم