حلويات • قسم عاشوراء

قريشلات حلوين بمناسبة عاشوراء بالطريقة والصور

السلام عليكم جاراتي ان شاء الله تكونو بخير قريشلات حلوين
قررت نقدمهم بمناسبة عاشوراء الله يدخلها عليكم بالصحة و السلامة
ومغفرة الذنوب ان شاء الله وهاد الوصفة جد سهلة و بمقادير اقتصادية
جدا ومشروحة بالصور لتسهيل عملية التحضير وبعجينة وحدة خرجنا
منها 4 اشكال مختلفة لكل واحد مذاقه نبداو
الوصفة للأخت كريمة ولمزيد من وصفاتها أدعوك لزيارة صفحة ڭدها بالفعل‎
بسم الله

قريشلات حلوين

المقادير :


150 غرام زبدة بحرارة المطبخ
100 غرام سكر سنيدة
بيضة كاملة
كيس خميرة الحلوة
كيس سكر الفاني
ملعقة كبيرة عسل
الطحين حسب الخليط
ملعقة كبيرة زنجلان محمر
ملعقة كبيرة لوز محمر ومطحون
ملعقة كبيرة بودرة الكاكاو
ملعقة كبيرة فواكه معسلة

طريقة التحضير :

كنوجدو اولا العجينة ديالنا كنديرو الزبدة السكر
الفاني كيس خميرة الحلوة البيض والعسل
نخلط هادو مزيان
من بعد نجمعو عجينتنا بالطحين انا خدمت
ب300 غرام تقريبا
وكتبقى هاد الكمية على حساب نوع الدقيق لي عندك تبقاي تزيدي الطحين
حتى نحصل على عجين لين نقسمو 5 كرات وكل كرة نسموها
وحدة نعمل فيها اللوز
و التانية الزنجلان والتالثة فواكه معسلة
والرابعة نزيد عليها بودرة الكاكاو
والأخيرة نخليها بيضة كل كرة نلويها على شكل قضيب
بالنسبة لزدنا عليها بودرة الكاكاو نسرحها فوق
ورق الطهي هي والعجين البيضاء
ونديرو وحدة فوق وحدة
وتاهيا نلويوها على شكل قضيب
ندخلهم التلاجة واحد الساعة يشدو فراسهم مزيان
من بعد نقطعهم على الشكل إلي بغينا
ولي ممكن نتحكمو فيه
ونستفوهم فوق طاوة
وندخلهم الفرن حتى يتحمرو مزيان ونقدموهم
وهادو هوما قريشلات حلوين
كنتمنى يعجبوكم وتجربوهم
بالصحة والراحة

قد يعجبك أيضا

7 تعليق

ترك تعليق