حلويات • حلويات العيد • حلويات دواز أتاي

معمول التمر والزنجلان بطريقة سهلة و بالصور

السلام عليكم جاراتي معمول التمر والزنجلان جبت ليكم اليوم وصفة من الوصفات التقليدية
المغربية الاصيلة و لي كلشي كتعجبو وضروري تكون فالاطباق المغربية لانها
سهلة وكتجي لذيذة وكتحمر الوجه من عند الاخت كريمة
نبداو بسم الله

معمول بالتمر

المقادير :

مقادير العجين :
رابعة زبدة لينة واخدة درجة حرارة المطبخ
4 معالق كبار سكر صقيل
2 معالق كبار اللوز بودرة
ملعقة صغيرة خميرة الحلوة
اصفر بيضة
كيس من سكر الفاني
ملعقة كبيرة حليب سائل
الطحين حسب الخليط
للحشوة :
تمر مبخر
معلقة زبدة
قرفة
قرنفل مطحون
ماء الزهر
للتزيين :
سكر كلاصي

طريقة التحضير :

فقصرية نديرو الزبدة و السكر صقيل واللوز بودرة
واصفر البيض والفاني والحليب وقبصة الملح

ونخلطو كلشي مزيان حتى يولي متجانس

ونزيدو الطحين

ونجمعو العجينة ديالنا ويولي عندنا عجينة رطبة ومتماسكة ومن بعد ناخذ معجون التمر
لي جاهز اولا نحضروه فالبيت نزولو التمر ونبخروه ونمعسوه بفورشيطة ونزيدو عليه
الزبدة وشوية القرفة و شوية القرنفل ومعلقة كبيرة ماء الزهر وشوية الزنجلان
اولا اللوز والكاوكاو محمرين ومهرمشين و كنفضل المحضر في البيت احسن من
الجاهز ونديرو منو كويرات صغارين حتى نكملو الكمية كاملة

ومن بعد ناخدو العجينة ديالنا ونديروها ايضا على كل
كويرات وليني كبر من ديال التمر حتى نكملو الكمية كاملة

ونبسطو كورة ديال العجينة فايدينا ونديرو
وسطها كويرة ديال التمر

ونكوروها

ومن بعد نديروها فالمرشم ديالنا لي خاص بالمعمول

ومن بعد نستفوها صينية ديال الفران

ونسخنو الفران مزيان اولا على درجة حرارة 180 وملي
تولي ذهبية اللون نخرجوها

ونخليوها حتى تبرد عاد نفندوها  فالسكر صقيل

ونقدمو معمول التمر والزنجلان فطبق التقديم لدواز اتاي
وايضا فالمناسبات والعراسات

كنتمنى تعجبكم ومتنساوناش من
صالح دعائكم ولاغلى الناس بالشفاء العاجل

قد يعجبك أيضا

8 تعليق

ترك تعليق