كيكة بالكرعة الخضرا والفلفلة وصدر الدجاج

اهلا جاراتي ان شاء الله تكونو بخير كيكة بالكرعة الخضرا والفلفلة
وصدر الدجاج مقدمة بطريقة جد سهلة وتجي لذيذ ان شاء الله
ومكتحتاجش بزاف المقادير باش نحضروها يعني من الاطباق
الاقتصادية بالاضافة الا انها مفيهاش مواد مواد غير صحية
ومتقلش على المعدة نتوكلو على الله ونبداو بسم الله

المقادير :

300 غرام كرعة خضرا
فلفلة حمرا
بصلة
200 غرام صدر الدجاج
150 غرام طحين
3 البيضات
10 سنتيليتر حليب
معلقة كبيرة موطارد
نصف كيس خميرة الحلوة
2 معالق كبار قزبر ومعدنوس
ملح
ابزار
10 غرام زيت الزيتون
قبصة سودانية

طريقة التحضير :

اول حاجة نبداو بيها ان شاء الله نشعلو الفرن يسخن من
وراها نطربو البيض والموطارد ومن بعد نبداو نزيدو بشوية
بشوية الطحين مخلط مع الخميرة

وحنا كنطربو نزيدو عليه الحليب ونضيفو الملح والابزار
على حسب الذوق ديالك جارتي العزيزة وايضا قزبر
ومعدنوس مقطعين مزيان وملي نخلطو هادشي كامل
مزيان ندوزو نوجدو الخضر ديالنا

كنغسلو كرعة خضرا ونقطعوها مكعبات صغارين ونقيو
البصلة ونحكوها وحتى الفلفلة نقطعوها مكعبات صغارين

ونديرو هادشي كامل فمقلة وتكون فيها زيت الزيتون
ونشحرو فيها الخضرة ديالنا كاملة وملي تبدا طلق
الما نصفيوها وناخدو صدر ديال البيبي
ونقطعوه مربعات صغارين

ونزيدوه على العجينة ونخلطو مزيان ومن
بعد نجيبو الخضرة ديالنا نضيفوها على الخليط ديالنا

ونحركو الخليط مزيان حتى يولي متجانس

ومن بعد نكوبوه فالمول ديالنا لي يكون مدهون
بالزبدة ويلا استلزم الامر نرشوه بشوية الطحين

وندخلوها طيب لمدة 35 دقيقة ونفس درجة حرارة الفرن
ويلا بغينا نتاكدو واجدة نخشيو فيها موس ويلا خرجناه
ولقيناه ناشف راها واجدة ونخرجوها

ونقدمو كيكة بالكرعة الخضرا والفلفلة وصدر الدجاج

بالصحة والراحة

كنتمنى تعجبكم ومتنساوناش من صالح دعائكم ولصاحبة
الوصفة ولاعز الناس بالشفاء العاجل

المصدر : www.ohlagourmandedel.com