سيكار بالدجاج والخضر صحية ولذيذة

السلام عليكم جاراتي الحبيبات ان شاء الله تكونو بخير هاد المرة
بغيت نقدم ليكم وصفة صحية لي هي سيكار بالدجاج والخضر وكيخي
لذيذة ان شاء الله ممكن تقدميها فالعشاء اولا كطبق جانبي وايضا
رئيسي فمائدة رمضان والمكونات ديالو جد بسيطة واقتصادية
نتوكلو على الله ونبداو بسم الله

قائمة المحتويات

المقادير :

صدر الدجاج
حبة جزر
حبة كرعة صغيرة او كوسة
نصف حبة بصل
نصف حبة طماطم
نصف حبة فلفل اخضر حار
قزبر
القليل من الفطر المأكول
الشعرية الصينية
ملح
ابزار
كمون
خرقوم
تحميرة
زيت
بيضة
الجبن
ورقة بسطيلة

طريقة تحضير بريوات بالدجاج والخضر :

فاناء كنديرو الشعرية الصينية فالماء مغلى

ونغطيوها وندوزو نقيو الخضرة لي عندنا ونقطعوها
على شكل مكعبات

ونديرو فمقلة فيها زيت الزيتون البصلة والفلفلة والجزر وملي يترخاو
نزيدو عليهم صدر الدجاج لي نكونو حتى هو قطعناه مربعات ونزيدو
الكرعة الخضرا والمطيشة ونغطيوها ونديرو التوابل

وكل مرة نطلو عليها ونحركوها حتى تنشف من الما لي طلقاتو
الخضرة ونزيد وعليها القزبر مقطع رقيق والفطر مأكول مقطع
طريفات صغار والكمية كتحكمي فيها نتي جارتي العزيزة
ونحركوهم مزيان

ونحيدوها من فوق البوطة ونجيبو الشعرية الصينية نصفيوها
من الما لي درناه فيها ونقطعوهها بمقص اولا سكين ونزيدوها
على الخضر ديالنا والدجاج

ونحركوهم مزيان ونخليوها تاخد درجة حرارة المطبخ

وممكن ليك جارتي تستغناي على الدجاج وناخدو
ورقة البسطيلة

ونقسمو كل وحدة على جوج

ونديرو فيها تقريبا فكل وحدة معلقة دال الحشوة وممكن
نضيفو الجبن لي كان متوفر

ونشكلوها بالشكل لي بغينا حنايا بريوة والا سيكار اولا
وريدة انا هاد المرة ختاريت سيكار

وملي نكملو الكمية كاملة

ممكن ديريها فبلاستيك غذائي ودخليها للمجمد بشرط انكي
ديري فرماج ديال سنديوتش باش ميعطيش الريحة ملي
تبغي تخبديها وطيبيها

الا كنتي باغا دخليها للفران دهنينا من الفوق بالبيض مطرب
اولا بالزبدة كيخليوها مقرمشة ونستفوها فوق طاوة مدهونة
بشوية الزيت وندخلوها طيب حتى تحمار ونخرجوها فحالة كنتي
باغا تقليها ديري زيت المائدة فمقلة وملي يسخن مزيان نبداو
نقليو فالسيكار ديالنا وملي تبدا تحمر نقصو من النار شوية باش
متحمارش كتر من القياس وهاهيا سيكار بالدجاج والخضر