اشكال حلويات باردة محضرة بكل سهولة

السلام عليكم جاراتي الغزالات ان شاء الله تكونو بخير
وعلى خير هاد المرة قررت نقدم ليكم وصفات حلويات
باردة بدون طهي ومن طبيعة الحال سهبة التحضير
ولا تحتاج لاي عناء لتحضيرها وممكن تقدميها فكل
المناسبات و أعياد الميلاد وأيضا لضيوف
الغفلة والمقادير سهلة
نتوكلو على الله ونبداو بسم الله

قائمة المحتويات

المقادير : من اليمين الى اليسار

مقادير الشكل الأول :

شكلاط اسود من النوع الجيد
100 غرام كوك
3 معالق كبار حليب مركز محلى
5 قطع اوريو

مقادير الشكل الثاني :

3 معالق حليب مركز محلى
100 غرام كوك
شكولاتة سوداء من النوع الجيد

مقادير الشكل الثالث :

100 غرام لوز مقلي
100 غرام كورن فليكس بمذاق الشكولاتة
4 معالق كبيرة حليب مركز محلى
شكولاتة بيضاء من النوع الجيد

مقادير الشكل الرابع :

شكولاتة بيضاء من النوع الجيد
نفس مقادير الشكل الثالث
شكولاتة سوداء للتزيين

طريقة تحضير حلويات باردة:

الشكل الأول :

كناخدو مول ديال السيليكون بهاد الشكل لي فصورة
او الا متوفرش عندك جارتي ممكن تاخدي شكل
اخر ونديرو فيها الشكولاتة السوداء مدوبة فحمام
مريم وندخلوها للثلاجة وملي تقبط راسها نديرو
طبقة الثانية مخلطين فيها الكوك مع الحليب
المركز المحلى

ونقسمو الكمية لي عندنا بالتساوي فالمول

نطحنو اوريو ونخلطوه مع الحليب
المركز المحلى

لي من طبيعة الحليب نكونو طيبناه فطنجرة
لمدة مابين نصف ساعة حتى ساعة الا ربع
ونزيدو الخليط كطبقة ثالثة

وندخلوهم للثلاجة حتى تبرد

الشكل الثاني :
نحضروه كندوبو الشكولاتة السوداء فحمام مريم
ونكوبو فالمول معلقة كبير من الشكولاتة
السوداء ونوزعوها على القاع

ونخليوه حتى يبدا يجمد ونخلطو الكوك
مع الحليب المركز المحلى

ونديروه فوق الشكولاتة وندخلوها
للثلاجة أولا المجمد

الشكل الثالث ندوبو الشكلاطة البيضاء فحمام
مريم ونكوبوها فمول السليكون لي فيه وحدات
على شكل مربعات ونخليوها حتى يبدا يشد
فراسو نديرو فخلاط كهربائي اللوز مقلي والكورن
فليكس والحليب المركز المحلى لم يطهى

ونزيدوه على الشكولاتة

وندخلوه للثلاجة يبرد

والشكل الأخير او الرابع:
ناخدو مول ديال السيلوكون ونكوبو فيه نصف كمية
الشكولاتة البيضاء مدوبة فحمام مريم وناخدو نفس
كمية الشكل الثالث لي هي اللوز مقي والكورن
فليكس ونطحنوهم مع الحليب المركز المحلى
والشكولاتة ونديروها فوق الشكولاتة البيضاء