بريوش محضر باللبن وصوص كراميل بالشكلاط لذيذ جدا وهشيش

اهلا جاراتي كيف الاحوال ؟ هاد المرة جبت ليكم
وصفة رائعة محضرة باللبن من بعد مكان حصر
فقط انه شراب بريوش محضر باللبن وصوص
كراميل بالشكلاط مشروح بالصور لتسهيل عملية
التحضير بلامنطول عليكم
نتوكلوا على الله ونبداو بسم الله

قائمة المحتويات

المقادير :

540 غرام طحين ممتاز
220 مليلتر لبن
2 حبات بيض
60 غرام سكر سنيدة
2 معالق صغار ونص خميرة الخبز
3 اكياس سكر فانيلا
60 غرام زبدة دايبة
نصف معلقة صغيرة ملح
ابيض بيضة
للتزيين :
الحليب
سكر سنيدة
مقادير صوص كراميل بالشكلاط :
160 غرام سكر صقيل
25 سنتيلترقشدة طرية
80 غرام شكلاط اسود
3 معالق كبار ماء

طريقة تحضير بريوش باللبن وصوص كراميل بالشكلاط :

فحالة مكانش متوفر اللبن عندك فالدار
ممكن تاخد 220 مليلتر ديال الحليب نزيدو
عليه عصير نصف حامضة ونحركوهم غنلقاو
الحليب بدا كيختار ونخليوه لمدة 15 دقيقة
نلقاوه واجد ان شاء الله
بالنسبة ليا كنوجد العجينة بليلة قبل من
الاحسن باش تكون نتيجة مذهلة ودوز ليلة
كاملة فالثلاجة وكيخلي لينا حتى الوقت
باش نوجدو البريوش ديالنا بخاطرنا ونعطيوه
وقتو الكامل
المرحلة الاولى تحضير العجينة : ناخدو اللبن ندفيوه
شوية فوق نار مهيلة ونزيدو عليه الخميرة ونخليوه
على جنب لمدة 10 دقائق وفزلافة نديرو طحين
والسكر والملح وسكر فانيلا والبيض نبداو نعجنو
العجينة ديالنا وحنا كنزيدو اللبن ونبقاو ندلكو
لمدة 10 دقائق تقريبا حتى تولي عندنا عجينة
رطبة ومدلوكة مزيان ويلا لقيتو العجينة قاصحة
نزيدو الحليب شوية ومن بعد نجيبو مكعبات الزبدة
ونعاودو ندلكو غير تنساجم الزبدة فالعجينة نحبسو
الدلك نغطيوها ونخليو حتى يضاعف الحجم ديالها
على الأقل ساعتين فالثلاجة ومن الاحسن كيفما
قلب ليلة كاملة فالثلاجة
المرحلة الثانية تحضير صوص الكراميل بالشكولاتة :
فكسرولة فوق العافية سكر سنيدة والما ونخليوه
حتى يولي على شكل كراميل وفهاد الوقيتة
نسخنو الكريمة ملي ياخد الكراميل لونو الذهبي
ديالو الرائع نحيدوه هو الكريمة من فوق العافية
ونمزجوهم مع بعضهم بشوية بشوية وحنا كنحركو
ونزيدو الشكولاتة على هاد الخليط ونحلكوه حتى
دوب بالحرارة لي فيه ماشي فوق العافية

المرحلة الأخيرة : نسرحو العجينة فوق سطح
مرشوش مزيان بالطحين بالدلاك ويكون سمك
ديالو 7 مليمتر

وناخذو كاس يكون القطر ديالو 8 سنتيمتر
ونقطعو دوائر

ونحطوهم فبلاصة مرشوشة بالطحين مزيان
حتى نكملو الكمية كاملة ديال العجينة لي
عندنا نغطيو المول لي قطر ديالو 24 سنتيمتر
بورق الطبخ هاد الكمية كتعطينا 2 ديال البريوش
من حجم متوسط وفحالة مكانش عندك جوج من
هاد القد ممكن تاخدي مول كبير نرجعو العجينة ديالنا

ناخدو دائرة ندهنو نصفها بابيض البيض
ونلصقو فوقها دائرة أخرى حتى نوصلو
لاربع داوئر

ومن بعد روليوهم على شكل دائرة بحال
فالصورة ممكن الصورة تشرح احسن
من الكتابة

نجيبو وناخذو الموس ونقطعوها من
المنتصف

ونحطوهم فالمركز ديال المول ونخليو
الوسط خاوي

ومن بعد نغطيوها بشي منديل ونخليوها حتى
يولي الحجم ديالها مضاعف وندهنوها بالحليب
من الفوق وحبيبات سكر سنيدة كبار ندخلو
البريوش الفران لي مسخنينو على درجة
حرارة 180 حتى يولي لونها ذهبي ورائع
ونقدموه مرفوق بصوص كراميل بالشكلاط