طريقة سهلة لتحضير قطبان لذاذ

السلام عليكم جاراتي الغزالات ان شاء الله
تكونو بخير وصفة اليوم قطبان لذاذ محضرين
بطريقة جد سهلة تبعيها فتوجاد القطبان فعيد
الاضحى وفالمناسبات ولضيافك لالة وهاد الوصفة
مقدمة من موقع شهيوات ندى
نتوكلو على الله نبداو بسم الله

المقادير :

اللحم هبرة
الملح
الابزار

الكامون
بصلة كبيرة مشلضة
سكينجبير
التحميرة
الخرقوم
قزبر ومعدنوس
كاس زيت صغير

طريقة تحضير قطبان لذاذ :

كنقطعو اللحم هبرة على شكل مكعبات
ونديروها فاناء ونزيدو عليهم التوابل كاملين
لي عندنا والبصلة مشلضة والزيت

ونغطيوها ببلاستيكة ونخليوه ليلة كاملة يشرب
ليقامة اولا توجديه فالصباح وطيبيه فالعشية ومن
بعد نعمرو القضبان ديالنا ونديروهم يتشواو

ونقدمو قطبان لذاذ سخان مع اتاي
وبالصحة والراحة

نتمنى يعجبكم ونالو نصيب من صالح
دعائكم ولاعز الناس بالشفاء العاجل
وللاخت ندى جزاها الله عنا كل خير
في امان الله